کئچمیش تجروُبۀ لری نظردۀ آلارساق "مشروُطۀ اینقلابی ؤ اوُ قیاملارین داوامی اوُلان خیابانی، 21 آذر قیامی" شوینیسمین یادراددیقی قتل عاملارسند اوُلاراق صراحت لۀ دئمئک اوُلارکی بوُ گوُنکوُ چاغیمیزدا گوُنئی آذربایجانین بیرتک قوُرتوُلوُشوُ یوُلوُ میللی ایستیقلالدان باشقا بیز یوُلوُ یوُخدوُر.

چوُنکی کئچمیش اییرمی ایلدن بوُگوُنۀ قئدربیزمیللتیمیزین میللی حئرکات لاریند آردیجیل اوُلاراق وئردیکلری شعارلارینا دیققت اتدیکدۀ درک اتمئگ اوُلارکی میللتیمیزین ایستیقلال دان باشقا آیری بیر شعارلاری یوُخدوُر.

فئدرالیسمۀ ایسۀ کئسینلیکلۀ هئچ بیررغبت ؤ ایستکلری یوُخدوُر، لاکین گوُنوُموزدۀ واراوُلان رئاللیقلاری نظردۀ آلیب دوُشوُنرئک، هـدفیمیز اوُلان ایستیقلالییتۀ چاتماق اوُچوُن ایلک باشدا خاریجدۀ ؤ همدۀ داخیلدۀ یاشییان میللتیمیز چوُخ جیددیتلۀ تشکیلات لانمالی دیرلار ، آردینجا هانسی کئچیجی یوُل ؤاوُیغوُن تاکتیکلردن ایستیفادۀ اتمئکلۀ تاریخی مقصدیمیزۀ چاتماق اوُلارسئوالینا ؟ جاوابیمیزی تاپا بیلریک.  

بیرباشا ایستیقلال یا کئچیجی فدرال دوُلت ؟      

بوُنا گوُرۀ دۀ بیرنئچۀ مسئلۀ نی نظردن کئچیرمئللیک اوُجوملۀ دن: باشدا تئهران فاشیست رژیمی ؤ اوُنون چئورۀ سین احاطۀ اتمیش رنگارنگ پان ایرانیست لری بیرطرفدن ؤ باشقا طرفدن اوُرتا دوُغوُدا گوُن بۀ گوُن قیزیشیب جریان ائدن حادیثۀ لری نظردن کئچیرمئللیک ، بوُنوُدا بیلیریک کی تئهران رژیمی     آچماز بیرموُقعدۀ قرار توُتوُب ، ایلیشیب قالدیقی بوُ آچمازدا آذربایجان توُرک میللتین هـدف قراروئریب ؤ میللتیمیزۀ قارشی دوُشمانلیقی ، ؤحشیلیگی اوُزوُن ایللردن بئری داوام اتمئکدۀ دیر.

میللی فعاللاریمیزی آردیجیل توُتوُقلامالاری ؤ یئنی بیرقتل عام یارادماقا تلاش ائدیرؤ بهانۀ لر آختارماقدا دیر ؤسایرۀ لر، رژیمین گئنیش جینایت لرین بیز تیکرار اوُلاراق عمومی آبان قیامی قتل عامیندا ؤ 10 مین نفردن آرتیق گوُناهسیر اینسانلاری توُتوُب ، اوُلدوُروُب آدسیز نیشانسیز زیندانلارا سالدیقین گوُردوُک کی هئلۀ دۀ داوام اتمئکدۀ دیر .

بوُنوُدا بیلیریک کی رژیملۀ موجادیلۀ ائدن تک آذربایجان میللتی دئییر، بئلکۀ آذربایجان میللتی ایلۀ یاناشی عربلر ، بلوُچ لار، توُرکمن لربعضی صداقتلی ( کوُردلر؟ ) ؤ باشقالاریدا واردیرلار، بوُناگوُرۀ دۀ تأکید لۀ دئمئک لازیم دیرکی یوُزدۀ یوُز داخیلدۀ ؤ خاریجدۀ گئرئک تشکیلات لانماق ؤ آدی گئدن میللت لرین نیمایندۀ لری ایلۀ ایرتیباط قوُروُب دانیشیقلارا گئتمئیین بوُیوُک اوُنئمی واردیر، بوُنادا تشکیلات لازیم دیر.

سیلاحلی موُبارزۀ یۀ گئلدیکدۀ ، گوُنئی آذربایجان میللتی نین ایستیقلال اوُغروُندا سیلاحلی موُبارزۀ یۀ أل آتماسی نئچۀ اوُنئملی شرط لردن آسیلی دیر، قیساجاسینا بوُشرط لردن باشدا گئلئنی میللتیمیزین گئنیش کوُتلۀ لری کوُنللو اوُلاراق سیلاحلی موبارزییۀ حاضیرلی ؤ آکتیو اوُلمالاری شرط دیر* ایران اوُردوُسوندا خیدمت ائدن آذربایجانلی توُرک عسگر ؤ یوُکسئک روُتبۀ لی افسر ؤ ضابیت لر، عسگرلر کوُنللوُ اوُلاراق صداقتلۀ میللتیمیزین آرخاسیندا دوُروُب ؤ قیامچی فدائیلری سیلاح باخیمیندان تأمین اتمۀ لری لازیم دیر، آذربایجانلی سیلاحالی قوُوۀ لرین بوُتوُن تلاشلاری آذربایجان میللتی نین آزادلیقی ؤ قوُرتوُلوُشو هـدفی ایلۀ اوُلمالی دیر، بوُنادا تشکیلات لازیم دیر.                  

                                                                                                               کئچیجی فئدرالیسم

1 ـ ایراندا فئدرال دوُلت یاراناجاق حالدا ، فئدرال دوُلتین مرکزی تئهران یوُخ ، تبریز اوُلمالی ، نییۀ تبریز اوُلمالیدیر دئدیکدۀ ؟ اوُنا گوُرۀ کی بوُتوُن کئچمیش تاریخی سند ؤ سبب لری نظردۀ آلماقلا تبریزاوُلمالی دیر .

2 ـ چوُنکی تئهران مشروُطۀ چاغیندان بوُگوُنۀ قئدرفارس شوینیمینین یوُواسی اوُلماقلا باشقا میللت لرۀ قارشی بوُتوُن توُطئۀ لرین مرکزی تئهران اوُلموُشدوُر، خصوُصی ایلۀ آذربایجانا قارشی دوُشمان ؤ زامان زامان آذربایجانلی لارین قتل عام فرمانی تئهراندان گئلمیشدیر.

3 ـ دفعۀ لرلۀ تبریزآذربایجانین پایتختی اوُلموُشدوُر، ألبتۀ کی فئدرال دوُولتین دۀ مرکزی اوُلماسی نین سبب لری هم تبریزین مرکزییتی ؤ همدۀ جمعییت ؤ نفوذ سایی باخیمیندان ایراندا یاشییان باشقا میللتلرۀ نیسبت چوُخوُنلوق تشکیل ائدن بیر میللتین تاریخی شئهری دیر، بوُنا گوُرۀ دۀ منطیق حوُکم ائدیر کی فئدرال دوُلتین مرکزی تبریزاوُلسوُن .

4 ـ علاوۀ اولاراق تبریزیوُز ایللر تاریخ بوُیوُنجا ، جغـرافی ، کوُلتوُر ، دیل ، ایرتیباط لار باخیمیندان آوروُپا اوُلکۀ لرینۀ آچیلان گیریش قاپیسی اوُلموُشدوُر بوُ گوُندۀ بئلۀ دیر، بوُدا تبریزین اوُنئملی بیر مرکز اوُلدوُقوُنوُن ایثباتی دیر.  

5 ـ آمما تشکیلات لانماقا گئلدیکدۀ آیدین دیرکی یاشادیقیمیز پروُسئسدۀ تشکیلات هم اوُنئملی همدۀ لازیم ؤ واز کئچیلمز مسئلۀ لریمیزدن بیری دیر، ائلۀ بونا گوُرۀ دۀ تشکیلاتین یارانماسی اوُنئملی ؤ همدۀ گئلۀ جئگ اوُچوُن تانینمیش مرکز ؤ تعیین ائدیجی روُلوُ اوُلا بیلر. بوُدا ایندیدن تشکیلات لانماقین نۀ قئدر جیددی، قطعی ضرورتی نین اوُلدوُقوُنوُن ثبوُتوُن گوُستریر.

6 ـ دوُنیادا موُجوُد اوُلان بوُتوُن بین الخالق تشکیلات لارین قبوُل ائدیب ایمضالادیقلاری قانوُنلارا أساس لاناراق فدرال سیستمدۀ بیرلئشن میللت لرایستۀ دیکلری زاماندا صوُلح ، مسالیمت ؤ دانیشقلار یوُلوُایلۀ فدرال دوُولت بیرلیگیندن آیریلیب ، اوُز موستقیل دوُولت لرین تشکیل وئرۀ بیلرلر.

25 / 12 / 2019 ــ غ . ش . آذرخش