ایگیرمی بیر آذر
بیرایگیرمی آذراولموش شانلی تاریخده قالان
جان نثارائتمیش، بویولدا،اؤلکه مینلرقهرمان
قهرمانلیقدیرمین ایللرله، بو خلقین شؤهره تی
سیغماییبدیرتاریخه، سؤیله ر بونوهمده زامان
بیرشفق تک باغ وبستان اؤلکه سی توتدوجلا
پؤهره لندی گون کمی مات قالدی انظارجهان
قوردوشانلی دؤولتین ملّت آزادلیق سیمگه سین
قهرمان افسانه سین،ظولمات کدردن باج آلان
اؤلکه نین آزادلیقی وحشت سالارکن دوشمانا
حمله چکدی لشگرایله، اؤلکه نی قانان سالان
اود وورارکن یاندیریب میداندا تونقاللارکتاب
قالماسین تا بیراثر بو اؤلکه ده، اولسون تالان
سمبلی آزادلیقی داردان آسارکن، شاه و شیخ
قتل عام اولدو پناهسیز، قیز گلین مینلرجاوان
قان تؤکوب دوشمان اگر بواؤلکه جنّتده مودام
دولدونیسگیل نغمه لرله،صحبت اولدودردجان
2.
پارچالاندی ظلم الیله،اؤلکه قوربان پای کیمی
آیر دوشدو ائل اوبا، سؤز بسله دی هیجراندان
هاردادیرقوچّاق نبی،هاجرکؤراوغلوهم نیگار
نئج اولوب همت ائدیب بودرده بیرچاره قیلان
دوردوهرکس بیر یانا اؤز نغمه سیله سازائدیر
اولدوبوائللر، پارام پارچا، یوزایللدیر، نه سان
هرکس هر یولدا، مرامدا،هرفیکیرده، اولسادا
دیل وتاریخله وطندیر، بیرلیگین شرطی عیان
اود ووروب بیگانه ال، اؤلکه جهنم تک یانیب
ای وطن ائولادی،باخما اعتناسیز،ماندیر مان
همت ائد،اولسون وطن تا بیرمثال زیروه تک
گرسیناق دیرروزیگار،همده حیات بیرامتحان
اوینادیردوشمان اگرآت،اؤلکه اولدو تارو مار
ائللرین قانین تؤکه رکن آرخایین اولدو گومان
بیرلیگی سسله رکن ایللرآیری دوشدوائل اوبا
بس نه گلدی میللته باشسیزقالیب بیخان و مان
3.
هرکسی گؤردوم،بویولداکی اؤزون رهبربیلیر
بولمادی چاره نه ساندیر،آیریلیق دردی،یامان
چاره ائتمه ز، درد وافغان، ناله بوحسرت لره
خوف ظلمات امرائدرکن اولدوبستان لاله قان
گؤزلراولموش انتظاریاندی بوتون باغ وباهار
سسله نیرائللرهارای، ای صبح آزادلیق،اویان
هر زامان درتدن دانیشدیق یامصیبتدن بوتون
ایندی بیر چاره یولو بولماق، نه فریاد و فغان
ایمه ییب ظولماتلاراباش اودلوولکان اؤلکسی
عصیرلرطغیان ائدیب ظالیملره قورخوسالان
دویموشام، صبح ظفرپیغام ائدیب دیر زمزمه
گله جک نازلی باهار بوائللره شهرت و شان
خلقه جاندیرصبح آزادلیق، اوتحفه مست جان
وصلی جانانی بولارکی، بیرلیگه نایل اولان
اود توتوب جمله وطن آزادلیق عشقینده یانیب
گؤزله ییر، ایللر نیگارین، شانلی آذربایجان.
09.12.2025
