گونئی آزربایجانین سییاسی قروپلاری آغیر شه کیلده بولونوبدیرلر. و بئله بیر دوروم تورک میللتیمیزین آیدین گله جه یه چاتماسینی چوخلو موشکوللرله اوز به اوز ائدیبدیر.
اولکه میزده پوپولیسم حاکیم و غئیر حاکیم پوپولیسم دوشونجه سیستئمی اوز هدفلرینه، سییاسی ایدیالارینا و ایسته کلرینه چاتماق اوچون عادی اینسانلارین گونده لیک موشکوللرینده ن یارارلاناراق، میللتیمیزین آزادلیق و دئموکراتیک حرکاتینی اینحرافا آپاریر، یعنی باشقا تاپاق گوسته ریر.
بئله بیر پوپولیسمین حاکیم اولدوغو سییاستی ده چوخلو دوولتلرده و ائله جه اوزه للیکله قوزئی آمئریکا دوولتینده ده آیدینجاسینا گورمه ک مومکون دور.
او دوولتین سییاستمدارلاری، او جومله ده ن ترامپ، وانس و باشقالاری چوخلو اولکه لری، اوزه للیکله آوروپا بیرلیینی تهدید ائدیر کی، او دوولت اونلارین امنییتینی قورومویاجاقدیر. اونلار ادعا ائدیرلر کی، بو اولکه لر (آوروپادا اونلارین ایچینده) موجود اورتاق ده یه رلری و دئموکراسینی آرادان آپارماق ایسته ییرلر. و بو ده یه رلر میللتلرین سسی و ایسته دییی اولماقدادیر. میللت لر بو ده یه رلری ایسته یه ره ک، ائله جه ده اونلاری ساخلاماق ایسته ییر..
گونئی آزربایجانا گلدیکده بونو دئمه لییه م، کی بیز هامیمیز بیر گمینین ایجینده ییک. بیزیم بو گونکو دوروموموز هامیمیزا بللی دیر. بئله بیر داغانلق دوردورمک اوچون، چوزوم یوللاریمیز واردیر می؟ پوپولیسم دوشونجه سیستئمی بیزه یاردیم و یادا زیان وئریجی اولا بیله رمی؟ بیز بئله کونکرئت پروبلئمی نئجه چوزه بیله ریک؟
گونئی آزربایجانین سییاستمدارلاری بونون چوزوم یوللارینی نئجه تاپیب و اونلارین کونکرئت جاوابلارینی میللتیمیزه نه زامان و هانسی کونکرئت حرکتلرله گوسته ره جکدیرلر؟
بیر سورغومدا بو دور، میللت کیم دیر؟
چوخلاری دئییرلر کی، اونلاری میللت سئچیبدیر. بودا میللتین چوخونلوغو ایله و یادا باشقالارینی میللتین آزی سئچمه ییبدیر.
بئلنچی چئشیدلیلیک و فیکیر پوپولیسمی بیر دئموکراسینین بینوره سینین اوستونلوییی دیر. یعنی اه یه ر بیر اونه ری قبول اولونماسا، باشقاسینین اونه ریسی قبول اولونار. بیر دئموکراسینین حوسنو بیر یاخشی و اویقون چوزومون تاپیلماسیندان عیباره ت دیر.
اه یه ر یالنیز بیر فیکیر پوپولاریتئتی میللتی بیر ایسته نیلن یولا هیدایت ائدیر یعنی اونو بالتالیر (فیلتر حبابلاری، دیجیتال روباتلاری ایله قروپ فیکیرلرینی یاراتماق).
بئله بیر حالدا او فیکیر بیر دئموکراسینین اساس فونکسیونونو سقط و آخساق ائدیر. ایندی سوسییال مئدییالار دا ائله همن ایش گورولر. مئدییالار بئله بیر بویوکلویه چاتارکن، فیکیر یارادیجیقلاری دا داها آرتیق چوخالیر. چاغداش سوسییال شبکه لری دولاندیرانلار و اونلارین بئیینلری ائله بو مکانیسمده ن چوخ گوزه ل یارارلانیرلار.
چئشیدلیلیک، کولتور ساواشلاری
میللتین چوخونلوغو یعنی نورمال شهروندلرین ایسته ک لری گره ک چئشیدلیلیک ایسته یه نلرده ن, خوصوصو ماراقلاردان اوستون توتولسون. طبیعی کی، سییاست گئنیش چوخونلوغون ماراقلارینا، ایسته کلرینه گره ک دیققتله یاناشسین.
آما پوپولیستلر ائله بئله بیر گئرچه ییی دیققته آلاراق، اونودا زه هیرلندیریرلر. بئله پوپولیستی حتا او یئره ده ک گئدیرلر کی، قادینلار گره کمیر کی، ایشله سینلر. اونلار مقصد لرینه چاتماق اوچون حتا حیاتا کئچیریلمییه ن سوی قیریملاردان دانیشیرلار، اونلار یالنیز بو جومله نی و ائله بیر جومله نی دیله گتیریب و ائله گوسته ریلیر کی،ایلک باخیشدا او دا عئین واقعییت اولدوغونون ایثباتی دیر. آما اونون آرخاسیندا بام- باشقا گئرچک و سییاست یاتیر. پوپولیسم بئله عمل ائدیر.او قارشی به یه نیلمییه ن فیکیرلری باسدیریر.
پوپولیسم دئییر: "من میللتم ".
پوپولیستلر اوچون اونملی دئییل دیر کی، اونلار چوخولوق و یادا آزلیقدادیرلار.
بورادا بیر قروپون چوخلوقدا اولوب، اولماماسی فرق ائتمه ز، اساس مسئله بو دور:
حالقین یالنیز بیر حیصه سینی تشکیل ائده ن بیر قروپ کی ، تعریفه گوره بوتون خالقی تمثیل ائده بیلمه ز ، اوزونو بوتوو خالقلا عئیین لشدیریر.بو عئیین لشدیرمه ده ن ایسه همین قروپا موختلیف رئسورسلارین اوتوروسلمه سی اوچون ایستیفاده اولونور.سمبولیک ده یه ر قازاندیرماقدان توتموش رئال مالییه واسطه لرینه ، حتا دولارلارا قه ده ر.
بو گون دونییا ایجتیناعییتی بیر ترامپ لا اوز به اوز دور. او بیر نارسیست( چکیجی، اوزونده ن راضی) شخصیت پوزقونو اولاراق، ائله جه ده وئنس جنابی بیر اودلو، آلولو و گوجلو اینتئلئکتوئل دیر.
اونلارین آرخاسیندا اه ن بیلینجلی دئموکرات لیبئراللار و اونلارین بویوک مئدییا شبکه لری دایانیرلار.
اونلار بیر قارانلیق آیدینلاتما باشلیغی( عنوانی) آلتیندا فعالییت ائدیرلر.
ایلان ماسک ین باشیندا قیرمیزی بورک"آمئریکانی یئنی ده ن بویوک ائت"
یوخ ، بلکه ده قه ره بورکو واردیر.بو یعنی قارانلیق آیدینلاتماسی.
ترامپین یئنی ده ن ایش باشینا گتیریلمه سینه یاردیمجیل اولاراق ، میللی دوولتلرین و آزاد بازار ین آرادان گئتمه سینه یول آچدیلار. پئتر تیل( دونییانین اه ن وارلیسی) فاینشئل تایمز دا ترامپین
یئتی ده ن آغ سارایا گلمه سینی، بیر یئنی آغیر زامان، قیامتین( آپوکالوپسی) باشلانقیحی اعلان ائدیر. و بئله لیکله وار اولان بوتون آزادلیقلار بیر نئچه تئکنیگ شیرکتلرینین کسین مونوپولو اولمالیدیر. اونلار دوولت قورولوشونو بیر شیرکتین قورولوشو یئری ایله دئیشمک ایسته ییرلر.
بئله بیر کوره سه ل سیستئمین حاکیمییتی زه نگینلر یونه تیمینین نوخبه( ائلیت) ائییتیمینی ایره لی آپارماق ایسته ییرلر.
آما منیم باخیشیمدا، دوولت بیر مولتی ناسیونال کونسئرن شیرکتی دئییل دیر، بلکه ده او بیر دئموکراتیک اورقانیزاسیون دور.
چاغیمیزدا زه نگینلرین حاکیمییتینین ائدئولوژیلاری بشرییت اوچون بویوک تهلوکه ساییلیر.
بونودا بورادا قئید ائتمه ییی مقصد یونلو سانترال کی ، بیلدیینیز کیمی، دونییانین دیژیتال ایقتیصادییاتی آمئریکادان آسیلیدیر و بو بعضی دوروملاردا ، بوتون باشقا حاللاردان( نئفت، گاز و ..) تهلوکه لیدیر. بئله بیر دوروم چوخلو اولکه لرین، دوولتلرین دئموکراسی سینی، آنلاییشلارینی, دارتیشمالارینی و ائله جه موباحیثه کولتورلارینی چوخلو خطرلر ایله اوز به اوز ائدیر.
بولونمیش بوتوو آزربایجان تورکلری و ائله جه ده تورک دونییاسی اوزلرینی بو دورومدان قورتارمالیدیرلار. ائله کی، اوزلرینه دقیق سیوسییال شبکه لر یارادمالی دیرلار، اونلار اوزلرینین وار اولان بوتون کیچیک و بویوک مئدییا شیرکتلرینی بیر واحد ایستراتئژیک اوزه رینده ایشه سالمالیدیرلار و بئله لیکله تورک دوولتلری واحد اورقان یاراداراق، بیر- بیر لری ایله سیخ ایشله دیکلری حالدا ، اوز آغیرلیقلارین دونییایا گوسته ره ره ک، بئله لیکله باشقالارینا موحتاج اولدقلارینی آرادان قالدیرمالاری مومکون اولا بیلر.
موجود سوسییال شبکه لرده ن آسیلی اولمویان شیرکتلر، اورنه ک اولاراق، باشقا فورم داشییان علمی سوسییال آماجی داشیبان شیرکتلرین باشقا پرنسیبلری اولدوقلارینی یارادماق، تورک دوولتلرین آمئریکا و آوروپانین دیجیتال شبکه لرینده ن آسیلی اولدوقلارین آزادا بیلر. بورادا چوخ اویقون دورومدا بئله دیر کی، تورک دوولتلرینه مترجیم ده لازیم دئییلدیر.
بورادا بوتون تورک دوولتلرینین بیلیم یوردلارینین ، اولکه لرین بویوک مئدییا شبکه لری ایله سیخ و کسین باغلانتیلاری اولدوقلاری حالدا، باشقالارینا باغلیلیقلاری لاب آشاغی سوییه گتیریب، چیخاردا بیلر. بورادا سییاست ایله ایقتیصاد گره ک بیر- بیر لری ایله کئوردینه و هماهنگ اولونسونلار. منیم باخیشیملا، بورادا بو گون لیبئرال و سوسییال بازار ایقتیصادییاتی اویقون گورونور. اونون اوچون ده تورک دوولتلری گره ک اوز سوسییال شبکه لرینی و باشقا دیجیتال سیستئملرینی یارادماغا جان آتسینلار. مصنوعی هوشون وارلیغی دا بو ایشین ضرورتی اولماقدادیر.
بونودا سونوندا قئید ائتمه لییه م کی، بو گونکو دونییا بوحرانیدا و ائله جه ده هر بوحراندا، هم خطر وار و هم ده فورصت.
بوحران یعنی خطر، بوحرانی و عئین حالدل فورصت دیر..بئله بیر دورومدا یئنی فورصتلرده ن یارارلانیب، وار اولان تورک دوولتلری باشقا دودلتلرله یئنی اورتاقلیق و طره فداشیلیق بیرلییی یارادماق گره کلیینی گوز اونونده توتماق و اونو حیاتا کئچیرمک.
وار اولمویان گونئی آزربایجانین دا نیللی آزادلیق حرکاتی بئله فورصت لرده ن یارارلانما یولونو تاپاراق، میللتیمیزین حقیقی یئرینی و مقامینی دونییانین مدنی میللتلرینین سیراسیندا وار اولماسینا چالیشمانی دوغرو- دوزگون و زامانا اویقون اولاراق، حیاتا کئجیرسین.
