منظری خوش بیرتماشا سِیرینه دونیا دوروب

رمز بیر اسرار اولوب سروی خورامان تورکیه

سؤیلَسم جنّت حیاتدا گؤزَل ایستامبول یئتر

آتاتورکون خوشدیاری شانلی بستان تورکیه

خاطیرین چیخماز اورَکدن باغلییام بوسئوگیه

قهرمانلار یوردوسان جننت گولوستان تورکیه

بوتون عالم اوره گی گرکی گؤزه للرده قالیب

بو گؤزه ل لرده اولوبلار سنه حئیران تورکیه

هر زامان شاد ایستَرم بوجنّتی ماءوانی من

ایسته مم حتّا بیر آن چهرَنده احزان تورکیه

منه جانقارداش دئیَن بوسئوگی بتمَزبیرداها

بیر کره یوخ مینکره جان سنه قوربان تورکیه

باکی تبریز آنکارا جاندوستو قارداشدیر بوتون  

سسله سن داردا قالاندا دئیَرم جان تورکیه

اوچ قطانین اورتاسیندا بسله نیبدیر بیرگؤزَل

وورولوبدور حوسنونه دونیا و دؤوران تورکیه

یاتمادیق یاتمامیشیق بوقهرمانلار اؤلکَسی

سمبول احرار دیر همده کی ویجدان تورکیه

دئسَلَرجنّت اگردوستلوق وقارداشلیق بودور

قلبلر سئوداسیسان همدکی جانان تورکیه

جان ـ آذربایجان دئیرَکن او عزیز قارداش منه  

چیرپینارقلبیمده سئوگی عهدِوپیمان تورکیه

دایانیب مین ایللره تاریخ سوره ن اجدادیمیز

ده ده قورقود اثرین کور اوغلو آلپان تورکیه

تاریخین ان زیروه سینده یئر توتارکن مللتین

ایمپراتورلار قوروبسان شانلی دیوان تورکیه

وورا بیلمه ز سنه زنجیر دوشمان غدارو هار

چونکو اؤزگورلوک و آزادلیقدیر آرخان تورکیه

فلسَفَه ن مظلوما یاردیم انسانین آزادلیقی

بو حیاتین دیر سنین ایمدادا قالخان تورکیه

سئویرم جانقارداشی بو اؤلکه نی بو ملّتی

موتلو وشاد ایستَرم همدَکی جاندان تورکیه

28.08.2022

د. لطیف