عزیزقارداش، زندان، سوُرگوُن بیرمکتب دیر،

اعدام اوُلوُم تحلیکۀ سی هئرگوُن گوُزوُن اوُنوُندۀ دیر،

یوِلداشیمدان آقا خاندان دانیشیرام ،

اینان قارداش دانیشدیقجا آلیشیرام ،

ایکیمیزدۀ اوُزوُن زامان بیربند دۀ ایدیک ،

باخیش لاری شیمشئک کیمی آلوُولی ایدی،

نئچۀ یوُلداش محکمۀ یۀ بیرگۀ گئتدیک ،

محکمۀ دۀ نئچۀ مأموُر اوُتوُرموُشدوُ،

چوُخ کئچمۀ دی قاضی گئلدی محکمۀ یۀ ،  

تحقیرایلۀ گوُلوُمسئیب بیزۀ باخدی غضب لئندی ،

نئجۀ یئردی بیزیم زیندان ؟ خوُشوَزگئلدی؟                      

حقارتلی باخیشلارلا آقا خانا خیطاب اتدی ،

اوُ باخیشلارحقارتلر آقاخانی قیزدیرمیشدی ،  

وُلکان کیمی دوُزۀ بیلمیر جوُشوُب داشیر ،

دئمئک جناب قاضی سن سن محکمۀ دۀ ؟

آمما بیلکی دئیکلرین ، بیزیم خالقا أهانت دیر،

تک منۀ یوُخ ، بوُیوک خالقین وارلیقینا اهانت دیر،

بیزیم میللی دوُولتیمیز مظلوُملارا ظوُلم اتمۀ دی،

باش کئسمۀ یب ، هئچ کئسین ناموُسوُنا توُخوُنمادی ،

میللی دوُولت یوُخسوُللارین مظلوُملارین دوُولتی ایدی ،

تاپدالانمیش اینسانلارین اوُمیدی ایدی، آرخاسی ایدی ،

أهانت لر، بوُ بهتانلار بیزیم خالقا هئچ یاراشماز،    

آقاخانین حاق سوُزلری بوُتوُن زالی تیترۀ تمیشدی ،

زال تیترۀ دی هئرطرفدن همهمۀ لی سئس لر گئلدی

قاضینی ، محکمۀ نی اوُ چئکمیشدی محکمۀ یۀ

قاضی چاشقین چاشقین دیل دوُداقین گئمیریردی،

اوُزوُ، گوُزوُ قوُلاقلاری قیزارمیشدی تیترۀ یردی،

غضب لئنیب آیاق اوُستۀ قالخیب دئدی:

واخت قوُرتاردی ، محکمۀ میز سوُنا چاتدی ،    

عدالتلی شاهنشاهین أمری بوُدوُر قانوُن دئییر !

قانوُن دئییر، أمرائدیرۀ م سن محکوُم سان !

شاها قارشی قیام ائدن متجاسیر اعدام اوُلسوُن !

بیلسین هامی توُرکم دئیین بوُلوُجوُلر یوُخ اوُلمالی ،

پیشۀ وری سئونلرۀ «عیبرت » اوُلسوُن ،

اوُقاضی نین سوُزلرینۀ گوُلوُمسۀ دی ،                    

قاضی اوُنوُن گوُلوُشدن تیترۀ یردی ،

بیردۀ دوُنوُب بیزۀ باخدی زالدان چیخدی ،

آقاخانی آیردیلار، قوُلوُ باغلی آپاردیلار،

بوُتوُن جانی یارالی ایدی ، قان آخیردی ،

گوُن چیخمادان خبرگئلدی قهرمانی آسمیشدیلار،

قارا خبر یخدی منی گوُزلریمدن سئللرآخدی،

اعدامینا شاهید اوُلان تانییانلاردئییردیلر،

آسیلاندا جللاد دئمیش ، هئچ قوُرخموُسان؟

جللادینا باخیب دئمیش سن جاهیل سن،

خالق یوُلوُندا قوُرخوُ، اوُلوُم معناسیزدیر،

آزادلیقا ، قوُرتوُلوُشا قان کئرئک دیر،

من یوُردوُمون ، اوُز خالقیمین عاشیقی یم ،

میللتیمین گوُرسئسیندن قوُرخان سیز سیز؛

لعنت اوُلسوُن هم شاهیزا ، هم شیخیزا،

یوُباتمیین چئکین منی سعادتین آغاجینا،

آنجاق بیلین اوُجاغیمیز سوُنمۀ یۀ جئک؛

گوُن گئلۀ جئک توُرکوُن قانی سئل اوُلاجاق ،

دوُنیا وارکن آذربایجان یاشییاجاق، اوُجالاجاق،

بوُنوُ بیلین منیم قانیم گئلن نئسلۀ روُح وئرۀ جئک،

یاخین تاریخ خالق قیامی بوُنوُ سیزۀ گوُسترۀ جئک،

یاشامین گوُزکوُسوُ 8 ینجی بوُلوُم ــ غ . ش . آذرخش ــ 20.09.2020

قنبرکیشی ائشید دیکجۀ رحمت رحمت دئییردی،

گوزلریندن دامجی دامجی یاش آخیردی ،

پوُلاد قارداش دایان بیرآز، من داریخدیم،

اوُگوُنلردۀ زیندانلاردا، قفس دۀ ایدیم،

قانادلاریم بیچیلمیشدی، چیرپینیردیم،

قیشین گوُنوُ سوُوا سالیب دوُیوُردوُلر،

سوُنرا دوُنوُب ألۀ سالیب گوُلوُردوُلر؛

لوُت جانیما شاللاق وُوروُب دئییردیلر،

شاهنشاهین قوُدرتینۀ باش أئیمۀ سن ؟

بوُندان سوُنرا ایناد ائدیب ، توُرکم دئسن ؟

بوُنوُ بیل کی بیز دیلیوی قوُپارداریق کوُکوُندن ،

ائشیدیکجۀ جوُشدو قانیم عصیان اتدیم ،

دئدیم: جاهیل آنا دیلی دانماق اوُلماز،

توُرک دیلیندۀ لای لای دئییب آنام منۀ ،                      

منیم آنام بیر کلمۀ دۀ فارسجا بیلمز،                                          

فارسین دیلی بیزیم خالقا یاد دیلی دیر،                

أزل گوُندن من سیزلرۀ یوُخ دئمیشم ،

بوُنوُ بیلین ؤطنیمۀ توُرک دیلیمۀ ؤفالییام ،

آذربایجان باشدان باشا بیزتوُرکلرۀ ؤطن دیر،

منیم یوُردوُم اوُلوُلارین آلوُولارین اوُجاغی دیر ،

اوُدلار یوُردوُآنالاری سانسیزایگیدلردوُغاجاق،

مینلر بابک ، پیشۀ وری ؤطنیمدۀ یاراناجاق ،

بوُش بوُشوُنا توُپ توُفئنگۀ گوُؤنیرسیز،

بیزیم خالقین قوُدرتینی سیز بیلمیرسیز،

ائشید دیکجۀ سوُزلریمی قوُدورموشلار،

قان سیچرادی گوُزلرینۀ چیغیردیلار،

آخی سندۀ نۀ قوُدرت وار؟ قوُرد کیمی سن !

نۀ دیر سندۀ بوُ جسارت ؟ ائییلمیرسن !

تاپدالانیب نقد اوُلوُموُ گوُردوُکجۀ سن ؛

باش أئیمۀ دن ایناد ائدیب سرَت اوُلوُرسان !

وُوروُن بوُنو ، قوُی قیریلسین سوُموکلری،

سینسین گئرئک بوُایناد کارایرادۀ سی ،

ساغ سوُلوُمدا نئچۀ قوُلدوردایانمیشدی ،

لاقا قوُیوُب شاللاق وُوُروُب گوُلوُردوُلار،

دوُیوُلدوُکجۀ آتالارین اوُیوُدلرین یادا سالدیم ،

حاق یوُلوندا جاندان کئچمئک بیر شرف دیر،

سن دوُشمانین قارشی سیندا دیزۀ چوُکسن،

بیل کی اوُندا مغلوُب اوُلوُب محو اوُلارسان ،

بوُتوُن جانیم شاللاق لاردان قارالمیشدی،

هوُشدان گئدیب ، نئلر اوُلدوُ بیلمۀ میشدیم ،

هئچ بیلمۀ دیم ، گوُنلرآیلار نئجۀ کئچدی،

دارقفسدۀ قاناسیز بیرقوُش کیمی ایدیم ،

آنجاق هئلۀ اوُلمۀ میشدیم ، من دیری ایدیم ،

بیرگوُن باخدیم من گوُزگوُیۀ قوُجالمیشدیم،

ائلدن آیری دوُسداق لاردا سوُروُنموُشدوُم ،

هئراینساندا اوُمید ، دوُزوُم اوُلسا أگر،

ظالیم لرین قارشیسیندا باش أئیمۀ سۀ ،

ؤطن اوُنا فخرایلۀ یراوُزخالقینا اوُرنگ اوُلار،

زامان کئچدی باش آغاردی ، دیش توُکوُلدوُ،

گئجۀ گوُندوُزائل اوُبامین قوُجاقینا حسرت ایدیم ،    

آتا ، آنا عائلۀ می ، یئتیم قالمیش کوُرپۀ لری،

قان ایچندۀ تالان اوُلموُش ؤطنیمی دوُشوُنوُروُم !

آرزوُلاریم اوُز یوُردوُمدا، چیرپینیردیم زیندانلاردا !

پائیزچاغی آغاجلارین یارپاغلاری توُکوُلوُردوُ،

گوُیدۀ بوُلوُت قارالدیقجا هئردن هئردن آغلیردی،

ائشیدیم کی اوُجا سئس نن بیردن منی چاغیردیلار،      

تئزۀ گئلمیش گئنج بیرآژان باغیریردی، چاغیریردی ،

قنبرکیم دی؟ گوُلدوُم دئدیم بوُیور منم ، أمرین نئدیر؟

یاخین کئلیب أیری أیری منۀ باخیب ، بندی آچدی !

تئزۀ گئلمیش رئیس سنی گوُرمئگ ایستر، دوُش قاباقا !

شئک نن گوُمان ایچیندۀ ایدیم ! خئیراوُلا !

رئیس منی گوُرجئک گوُلدوُ اوُتوُردئدی!

یوُموُشاقجا چوُخلوُ سئوال مندن اتدی ،  

میزاوُستۀ کی کاغیذ لارا باخیب گوُلدوُمنۀ دئدی،  

قنبرآقا سنین جزان باشا چاتیب ، سن آزادسان !؟

گئت حاضیر اوُل ، صاباح تئزدن گئتمئلی سن !

من اوُزوُمو ایتیرمیشدیم ؛ گیجئلمیشدیم !

سئوینجیمدن تیترۀ یردیم ، هیجانلی ایدیم،

دوُشوُنوُردوُم ، سوُنوُندا من قالیب اوُلدوُم،