******************
قنبر کیشی دوُزۀ بیلمیر سوُزۀ گئلیر ،
یولداشینا باخیب دئیر پولاد قارداش ،
هئرمیللتین یاخشی یامان کئچمیشی وار،
یاش کئچسۀ دۀ ، بیزلرجانلی تاریخلریک ،
بیزیم تاریخ هم غملی دیر، هم عبرتلی ،
هئرصحیفۀ سی یوُل گوُسترن بیرچیراغ دیر،
قارشیمیزدا سیندیریلمیش أیری اوُیروُ بیرآینا وار،
دوُشمان بیزۀ اوُیدوُروُلموُش تاریخ یازیر،
گئنج نئسلیمیز اوُز کیملیگین تانیماسا !
توُرکلوُیوُموُز، وارلیقیمیز اینکاراوُلار ،
*****************
پوُلاد یامان هئیجانلی ایدی، تیترۀ یردی ،
سانکی فیکری اوُزاقلاردا سئیر ائدیردی،
قالین قاشین دوُگونلوُیوُب سوُزۀ گئلیر،
بیزمیللتیک ، توُرپاقیمیز، دیلیمیزوار،
گوُن گئلۀ جئک میللتیمیز اوُیاناجاق ،
اوُیاندیقجا اوُز کیملیگین تانییاجاق ،
شَر قوُوُۀ لر دیز چوَکوُب سارسیلاجاق ،
قارانلیقلار ظوُلمت گئجۀ یوُخ اوُلاجاق ،
آزادلیقا چاتماق اوُچوُن بیرلیک گئرئک ،
آتالارین بابالارین تاپشیریقین اوُنوُد مییاق ،
ؤطن ، میللت ، آنا دیل دیر ناموُسوُموُز،
بیزآزادلیقین قوُرتوُلوُشوُن جارچیسی یق ،
آزادلیقی پای وئرمزلر، آلماق گئرئک ،
سوُن نفس دۀ سئنگرلردۀ شهید اوُلان فدائیلر ،
یاشا ؤطن آذربایجان دئییۀ دئییۀ جان وئردیلر،
یادیمدا دیراوُگوُنلرین اوُرۀ گ یاخان منظرۀ سی،
گوُزوُ یاشلی آنالارین ، گئلینلرین وای شوُؤنی ،
اوُریمۀ آغری دوُلوُر اوُگوُنلردن دانیشاندا ،
آرزوُلاری گوُزدۀ قالمیش ایگیدلردن یاد ائدندۀ ،
اوُلوُم ، اوُچروُم ، تیکانلاروار بوُ یوُللاردا،
دوُشمان بیزۀ هئر آددیمدا پوُسکوُ قوُروُروُر،
پوُسکوُ لرۀ غالیب گئلر موُدروُک بوُ خالق ،
***************
قنبر قارداش اوُزوُن زامان آیری قالدیق،
سن بیر یاندا ، من بیر یاندا زینداندا ایدیق ،
چوُخ آختاردیم سوُراق آلدیم یاخینلاردان
سوُروشوُردوُم تانیش لاردان ، قنبرهاردا؟
دئییردیلر سوُرگوُن اوُلوُب اوُزاقلاردا !
هئچ بیلینمیر گاه تئهراندا ، گاه کاشاندا !
**********************
قنبرباشین توُولییاراق یوُلداشینا باخیب دئیر :
زیندانلاردا چیرپینیردیم اوُلوُم قالیم آراسیندا ،
وئران اوُلموُش یوُرد یوُوامی دوُشوُنوُردوُم ،
ایشکنجه لر، اهانت لرجایناقیندا أسیرایدیم ،
سانکی هئرگوُن بیر ایل کیمی اوُزانیردی ،
ایشکنجۀ لر قارشیسیندا باش أئیمیردیم ،
ایکی دوُستوُن هئچ بیریندن بیر سئس چیخمیر!
قنبرکیشی کئدرلئنیراوُریی دوُلوُ بیرآه چئکیر،
دئیرقارداش غم کئدردن چوُخ دانیشدیق ،
بیرآزدا گئل خوُش گوُنلردن صوُحبت آچاق ،
کئچمیش گوُنلر، اوُشاغلیقی یادا سالاق ،
اوُشاغلیقدا ناغیللاری چوُخ سئوردیم،
گئنج اوُلدوُقجا ناغیل اوُلدوُ اوُز حئییاتیم،
قیش گوُنونلری باجی قارداش یغیشاردیق ،
تئندیراوُلان اوُطاقدا بیز قیزیشاردیق ،
گیرده کانی ، داش بادامی سیندیراردیق ،
آنام گئلجئک چوخلو اوُنا یالواراردیق ،
بیرناغیل دئه آنا بیزۀ، های سالاردیق .
شنگوُلوُمدن ، منگوُلوُمدن خوُشلاناردیق ،
ناغیللاری ائشیددیکجۀ یوُخلوُیاردیق ،
سحرتئزدن قوُیون قوزومئله شنده اویاناردیق ،
تئندیر اوُلان داما گئدیب اوُتوُراردیق قیزیشاردیق ،
ایستی لاواش یاق بئلله سین چوخ سئوردیک ،
چای اوُلسئیدی هئردن ده بیر چایی ایچئردیک ،
بارداق ـ بارداق آنام بیزه چای سوُزردی ،
سئوینرئک چایی ایچیب شئلله نردیک .
یاشامین گوُزگوُسوُ 5 ینجی بوُلوُم ــ غ . ش . آذرخش ــ 4 / 9 / 2020
داییم قوُچاق اوُجا بوُیلو ایگید ایدی ،
گوُلراوُزلو خوُش دانیشان بیرگئنج ایدی،
دوُست تانیشین آراسیندا سئویملی ایدی ،
بیزی گورجئک گوُلراوُزلۀ قوُجاقلاردی ،
جئب لرینده نوُخود کیشمیش گئتیرئردی ،
آنام اوُنا قادان آلیم قارداش دئیۀ قوُجاقلاردی
سئوینردی تئزۀ دئملی چای سوُزردی،
باجی ـ قارداش گوُله گوُله دانیشاردی ،
اوُشاغلارین هئچ بیریندن سئس چیخمازدی ،
دایی دئیب أزیلردیک اوُنا یاخین اوُتوراردیق ،
چای ایچدیکجه اوُجا سئس نن دانیشاردی ،
سوُنرا دوُنوب بیزه باخیب گوُلومسۀ ردی ؛
خوُش سوُزلرنن بیزه چوُخلو ساتاشاردی ،
مثل دئیب بیزلری چوخ گوُلدورئردی ،
داییم گوُزل ماهنی ناغیللار بیلردی ،
بوُیوُموُزوُاوُخشادیقجا گوُلۀ گوُلۀ دانیشاردی،
آی اوُشاغلارگئلین سیزۀ ناغیل دئییم،
یالان پالان ناغیللاردان خوُشلانمارام ،
جین ناغیلی، دئو ناغیلی من بیلمۀ رۀ م ،
مئلیک ممد ، مئلیک جوُمشید تانیمارام ،
من سیزلرۀ ایگید لردن دانیشارام ،
آتا بابک قهرماندان دانیشارام ،
کوُراوُغلوُنون هجریندن دانیشارام ،
توُمریس آنا حئکایۀ سین دانیشارام ،
قوُچاق نبی ، ستارخاندان دانیشارام،
ؤطنیمیز آذربایجان دیاریندان دانیشارام،
آتالارین اوُیوُدوُندان، آنالاردان دانیشارام،
ایگید گئرئک جسارتلی قوُچاق اوُلسون ،
خالقین سئوسین ، توُرپاقینا باغلی اوُلسون ،
دوُشمانلارین قارشیسیندا آصلان اوُلسون ،
*******************
داییم بیزۀ دانیشدیقجا یاناقلاری قیزاراردی،
اوُزگوُزوندن مونجوق مونجوق تئرآخاردی ،
اوُزوُن سیلیب بیردۀ سوُزۀ باشلییاردی،
گاه اوجادان ، گاه یاواشجا دانیشاردی،
کلمۀ کلمۀ اوُشاغلارا آنلا داردی ،
قهرمانلار گوُزاوُنوُنده جانلاناردی،
اوُشاغ ایدیق مات قالاردیق سوُزلرینه ،
اوتاناردیق ، هئچ باخمازدیق گوُزلرینه ،
ساوادلی ایدی ، چوُخلوُ کیتاب اوُخوُموُشدوُ،
گوُرسئیدی کی اوُشاغلاری یوُخوُ توُتوُر،
گوُلومسه یب ، بیرماهنی دا اوُخویاردی ،
ماهنی لارین قولاق آسیب اوُیره نردیک،
قاچاق نبی ماهنی لارین چوُخ سئوردیک،
داییم بیزۀ گوُزل سوُزلر اوُیرۀ دردی،
بیزی یوُخوُ توُتاناجان دانیشاردی،
******************
زامان کئچدی بوُیوُدوُکجۀ بیر گئنج اوُلدوم ،
ناغیللارین دوُنیا سیندان من اوُیاندیم ،
داییم دئیین اوُیودلردن چوخ درس آلدیم ،
دائییم هئردن غضب لئیب هئرسلئنردی،
چاتما قاشین دوُیوُنلئییب حوُکم ائدردی،
توُرک بالاسی ایگید اوُلار، قوُرخاق اوُلماز،
دیلیم توُرک دوُر، من بوُ دیلۀ فخرائدیرۀ م ،
آرزوُم بوُ ایدی آنا دیلدۀ درس اوُخوُیام،
اوُخوُماقا ، اوُیره نمئگۀ چیرپیناردیم،
کئندیمیزدۀ توُرک مکتبی یاساق لانیب ،
کئند موللاسی فارس دیلیندۀ دانیشاردی !
فارسین شاهی توُرک دیلینۀ دوُشمان ایدی ،
دئمئک بوُ دیل شاه ساراین داغیدارمیش،
****************
قنبر قارداش ؛ دئدین دانیش اوُ گوُنلردن،
دانیشدیغجا جوُشوُرقانیم قهراوُلورام ،
اوُره یمه تئندیر ـ تئندیر اوُد أله نیر،
بئنیمه بیر دوُمان چوُکور داریخیرام ،
قفسده کی قوُشلار کیمی وُورنیخیرام ،
ظوُلمت کیمی گئجۀ لردۀ ظوُلمۀ قارشی
اوُلوُم ، قالیم سنگریندۀ چیرپیشمیشیق،
اینان قارداش ، دانیشدیجا ، سیخیلیرام ،
گوُلوُمسئییب اوُزوُن توُتوُریوُلداشینا ،
بیردئه گوُروم، چوبوقون وار، تنبکین وار؟
وارسا دوُلدور بیرلیکده بیرچوبوق چئکئک ،
بئلکۀ بیرآزغم غصۀ دن اوُزاقلاشاق !
قنبر کیشی گوُلومسه یر یوُلداشینا !
ألین آتیر پئنجئگی نین یان جئبینۀ ،
چوبوغداکی یانیقلاری قاریشدیریر ،
بیرایکی دۀ پوُلک وُوروب یوُلون آچیر.
آلیشدیریب بیرنفس دۀ توستو اوُتور.
ساپین سیلیب بوُیوردئییر پوُلاد قارداش ،
پوُلاد کیشی دوُشوُنوُردوُ ، کئدرلی ایدی ،
سانکی اوُ آن هئچ بیر سئسی ائشیتمیردی،
ایتیب باتمیش یوُلداشلارین یاد ائدیردی،
کئدر دوُلوُ بیرآه چئکیر گوُزو دوُلور،
ساغ اوُل دئیب چوُبوغ دان بیرنفس آلیر،
آجی توُستوُ نفس یوُلون توتور بوُغور،
نفس آلیب توُختداق اوُلوب سوُزۀ گئلیر،
دئییرلر کی دردلی آدام چوخ دانیشار،
اوُریی سوُزوُن دانیشماسا اوُزوُگوُلمز،
کئچمیشیمیزیامان یاخشی کئچیب گئدیب،
ایندی دوُنیا یئنی لئشیب ، زامان کئچیب ،
اینسان اوُغلوُ هئرگوُن تئزۀ تاریخ یازیر،
اوُیاندیقجا جهالتین قوُیوُسوُندان قوُرتاریر،
دوُشوُندوُکجۀ ، آنلادیقجا یئنی دوُنیا یارادیر،
