قنبرکیشی چئتینلیک نن یوُل گئدیردی !
چیمن لردن یاواش یاواش مه قاچیردی ،
قارا بوُلوُت گوُی اوُزوُندۀ داغیلیردی ،
دوُمان توُتموُش کوُرا یوُللار گوُروُنوُردوُ،
قیشدا دوُنموش توُرپاقلاردا قیزیشیردی ،
دامجی ، دامجی داش آلتیندان سوآخیردی ،
شیریم شیریم سوُزوُلدوُکجۀ آرخ اوُلوُردوُ،
آخیب گئدیب چوُل چیمنی سوُواریردی ،
آغ اوُرپئکلی ساوالاندا گوُروُنوُردوُ،
یازهاواسی چوُل چیمنۀ جان وئریردی ،
یازسئوینجی ، یئنی حئییات گوُروُنوردوُ،
قوُیوُن ، قوُزوُ ، یاماجلارا دیرماشیردی ،
باجالاردان بوُروق بوُروق چیخان توستو ،
تیترئک تیترئک پارچالانیب داغیلیردی ،
دوُمان کیمی گوُی اوُزونده یاییلیردی ،
یاییلدیقجا پارچالانیب یوُخ اولوردو،
تئندیرلردۀ بیشن لاواش قوُخوُلاری ،
یئل أسدیکجۀ بوُتوُن کئندی بوُروُیوُردوُ،
****************
قنبرکیشی دوُیغوُلانیب آه چئکیردی،
اوُزاوُزوُایلۀ دوُشوُنوُردوُ، دئیینیردی ،
قار بوُروُموُش ساوالانا باخیب دئیر:
مین ایللردن بوُخالق بوُردا یاشامیشلار ،
سازچالیبلار دادلی بایاتیلاراوُخوُیوُبلار،
قانلار وئریب توُرکوُن دیلین قوُروُیوُبلار ،
أرنلرین، اوُلوُلارین قارشیسیندا باش ائییرۀ م ،
************************
قوُجا قارتال گوُزوُن تیکیر بوُلوُت لارا ،
خئیال قوُشو اوُچوُب گئدیراوُزاق لارا ،
اوُشاغلیغی ، گئنجلیک چاغی یادا دوُشوُر،
دئییب ، گوُلوُب اوُینادیقی یوُلداشلاری ،
مرد ایگیدلر، فدائیلر، آزادلیقین جارچیلاری،
بیرروُیا تک گئلیب کئچیر گوُزاوُنوُندن ،
بیردن بیرۀ کوُورئگ اوُلوُر گوُزوُ دوُلوُر،
سانکی بئینین دوُمان توُتوُر چئن بوُروُیوُر!
شیرین ، آجی خاطیرۀ لر سوُزوُب گئدیر،
دیل دوُداقین گئمیردیکجۀ قانی جوُشوُر،
کوُرپۀ لرین بئشیکلری اوُد ایچیندۀ ،
قتلۀ لر، دارآغاجلار، اوُ دهشتلی قارا گوُنلر،
گوُزوُ یاشلی گئلینلرین، آنالارین وای شوُؤنی ،
اوُشاغلارین حئزین ، حئزین زاریلتیسی ،
دوُغما ؤطن باشدان باشا قان ایچیندۀ ،
داغی داشی بوُیامیشدی توُرکوُن قانی ،
ماتم ایچرۀ بوُغوُلموُشدوُ آنا یوُردوُم ،
بئلۀ قالما، دئیشئجئک بیرگوُن دوُنیا ،
یخیلاجاق، داغیلاجاق ظوُلم اوُجاغی ،
دوُزوُم ، اوُمید گئلۀ جئیین چیراغی دیر،
بیر بایاتی سوُیلییرئک اوُزوُ گوُلوُر،
عزیزیم اوُجا داغلار،
تاریخدن قوجا داغلار،
سیزدن آیری دوُشندۀ ،
گوُزلریم آغلار داغلار،
