هئلۀ لیک بیزلرتاریخین جانلی شاهید لرییک ، کئچمیش لردۀ گوُردوُیوُموُز، یادیمیزدا قالمیش فاجیعۀ دوُلوُ حقیقت لری، سن یازماسان؟ من یازماسام ؟ فارس راسیزمی هئر شئیی گیزلۀ دیب ترسینۀ چئویریب ، ایستۀ دیگی کیمی بیزۀ یالان ساختالاشمیش اوُیدورمالار یازاجاقلار ، نئجۀ کی هئلۀ دۀ یازیرلار، بیزاوُزوُموُز میللتیمیزین ؤطنیمیزین باشدان بلالار کئچیرمیش تاریخین یازمالییق . 1999 ینجی ایلدۀ یازیلمیش .

یاشامین گوُزگوسو !  

بوُ دوُنیانین داغی ، داشی ، اوُرمانی وار،    

کهکشاندا میلیوُن میلیوُن اوُلدوُزلار وار،

گوُنشی وار ، آیلاری وار ، اوُلکری وار،

آخار سوُلار، دئنیزلری عوُممانی وار،

شیریلتی ایلۀ داغدان آخان شلالۀ لرُ،

هئر باخاندا اینسان روُحوُ تئزۀ لئنیر،          

بیلینمیرکی داها نئچۀ سیرلری وار،

دوُشوُندوُکجۀ اینسان اوُغلوُ حئیران قالیر،

کیمسۀ بیلمیر بوُ دوُنیانین یاشی نۀ دیر! ؟

چئشید چئشید عاغیللی سی جاهیلی وار،

گوُجلوُسوُ وار، گوُجسوُزوُ وار،

هئرایکی سی بوُ دوُنیانین قوُناقی دیر،

سوُن مکانی قارا توُرپاق مزاری دیر،

مزارلاردا تکجۀ قوُروُآد یازیلار،

اینسان کوُچئرآمما یئنۀ ؤطن قالار،

آللوُ قاخیب بوُ دیاردا أزل گوُندن،

اوُلوُب آدی اوُدلاریوُردوُآذربایجان ،                                          

داش تورپاقی لعل مرجان آذربایجان ،                                    

داغلار باشین دوُمان توُتار چئن بوُروُیر،

شاخناشدیقجا ایدیریملار لئیسان یاغار،  

داغ دوُشوُندن سوُلارآخار سئلۀ دوُنر ،

قارا بوُلوُت پارچالانار، گوُنش چیخار،

یازگئلئندۀ داش توُرپاقین جانی قیزار ،

کوُوشنلردۀ نوُروز گوُلوُ نرگیس بیتر ،

قوُروُآغاج جانلاشدیقجا یارپاق آچار،

داش دیبینده لاله بیتر، سوُنبوُل آچار،    

چایلارجوُشارگوُرولتوایله آشیب گئدر،

آخیب گئدیب ، خان آرازدا قوجاغلاشار،

         ***************

باهار یئلی هئردن هئردن سازاق چالار،

یاتمیش قوشلار یوُوالاردان اوُچوُب قاچار،

بوُلبوُللرین خوُش نغمۀ سی اوُریی آچار،          

کئند ائولری أئیری اوُیرو ، گوُدۀ ، هوُندوُر ،

اوُچموُش دوُوار، سینیق قاپی ، دارتنگه لر،

سئحر سئحر هئر تنگۀ دن بیر سئس گئلر،

قوُیوُن قوُزوُ مئلشدیکجۀ چوُبان گوُلر،

یاواش یاواش کئند یوُخودان اوُیانیردی ،  

سئس ، قالما قال تنگۀ لردۀ چوُخالیردی ،

بیرآغ ساققل ، ألدۀ آغاج ، باشدا پاپاق ،

آددیم ، آددیم تنگۀ لردن یوُل گئدیردی ،

هئردن دوُروب آغاجینا سوُوکئنیردی ،

قوُجالمیشدی ، نفس آلماق چئتین ایدی،

اسکی لردن بیرعادت وار کئند یئرینده ،

چوُل چیمنۀ سئیره چیخان جاوان قوجا،

یوُل گئدندۀ یاماجلاردا أللریندۀ آغاج اوُلار،

یوُنتالانمیش ، هامارلانمیش أل آغاجی ،

اوُچروملاردا دایاق اوُلار یوُلچوُلارا ،

قنبرکیشی ایتی گوُزلوُ، گوُرسئسلی ایدی ،

کئند ایچیندۀ حوُرمتلی ایدی ، سایقیلی ایدی،

اوُنوُ گوُرۀ ن قوُنوُم قوُنشو سالام دئییر،

گوُلوُمسییب نفس آلیرقوُنشوُلارا سالام دئییر،

آی قوُنشوُلار گوُزللیکلر سیزین اوُلسوُن ،

ائولریزدۀ ساغلیق، شئنلیگ بایرام اوُلسوُن ،

عوُموُر بوُیوُ غم کئدریز هئچ اوُلماسین،

کئندیمیزدۀ توُی چالینسین ، شئنلگ اوُلسوُن،

عاشیق عیباد سازین چالسین شعراوُخوُسوُن ،

بیزیم فرمان سۀ گاه ، زابل سئسلئندیرسین ،      

توُی نغمۀ سی ، قیز گئلینین سئوینج سئسی ،

قوُی بوُروُسون بو ائللری توُی لار سئسی ،