آزربایجان باشین ساغ اولسون

گئدين دئيين خان چوبانا آغلاسین

آنام گیله دئيين حالوا چالخاسین

آشسین باش چرقتین قارا باغلاسین

آنا واللاه قالدیق یامان گونه بیز

آتا اؤلدو دوشدوك يامان گونه بیز . . .

بو گون آزربایجانین دوغوسوندان باتیسینا ، گونئييندن قوزئيينه كيمي اوركلرين قان اولما گونودور ، قارا گونودور ، یاس گونودور

بو گون آزربایجانین اولمازسا اولمازلاریندان بیریسینین توپراغا تاپشیرما گونودور

بو گون او اؤلمز اينسانين ، او اونودولمازين ، او سارسيلماز بي افندي نين ياس گونودور

حسن بی آزربایجانین آدی گلدیگینده دایانیشما ، دیره نیش ، اؤزگورلوک ، ساواش و حاق مجادله سی کیمی تئرمين لر اينسانين بئينينه گلیر ، اؤته ياندان باريش ، شفقت ، يارديملاشما ، بؤلوشمك و باشقالاريله پایلاشماق کیمی اینسانی دیرلر ده او اؤلمز اينسانين ياراشيغي و باشاريسي اولموشدور . اصلينده سؤزجوكلره سيغمايان حسن بي دميرچی ازربايجان و آزربایجان تورک میللتی اوچون نه ائتمه دي كي ؟ سوروسو ايله باش باشا گلیر

أن گنج یاشلاریندان بئله اؤز وطني و ميللتي اوچون جان و باشدان کئچمیش 57 اینقلابیندان اؤنجه اؤزگورلوک مجادله سی وئريب ، كئچن قیرخ ایلده ده آزربایجان تورک میللتینین سعادت و آزادلیغی اوچون الیندن گلنی اسیرگه مه دن تورک میللتی ایچینده بؤيوك بير ليدر و خان افتخاريني الده ائنمه يي باشارميشدي .

حسن بي أزربايجانين گؤردويو ايشلرو باشاريلار سايماقلا بيتمز ، يازماقلا دا بيتيرمك مومكون دئييل . اؤرنك اولاراق اهر ورزقان دپره مینده مدیریت باخیمیندان دئمك اولار چوخ یوخاری سویه ده باشاری الده ائتميشدير .

اينسان بئله بير بؤيوكلويون و وطن سئوگیسی اؤنونده يازماقدا چتینلیک چکیر . او سارسیلماز اینسانین وصفینده اهر ورزقان دا اولار کن بیر شعر یازمیشدیم ، گؤزل روحونا ايتحاف ائديرم .

خوجالار خوجاسي بيزيم دميرچی

دمیردن دمیردی بیزیم دمیرچی

آنادان اولاندان اولدو دمیردن

قادادان قاچمادی هم دیلگیندن

سئوينج ده كدر ده اؤز اولوسو ايله

أليشدي بولاشدي بيزيم دميرچی

                   """"""""

دئديگیم بو اولو پامبیقدان دی می ؟

دمیر یوخ کیشی پولاددان دی می ؟

پامبیق یوخ دمیر یوخ بس ندن دی بو ؟

سوروشسان دئيه رم گونشدن دی بو

                   """""""

دونیادا هر شئيي يارادان اولو

يارادير هر بيرين بيريندن اؤتور

هر بيري نه قدر گوجلو اولسا دا

اؤزوندن بيري بير قدر اولور ( بترين بتري وار )

                   """"""""

نه ايسه گوجلولر بیرلشسه لر ده

دمیرلر پیشیب توپلاشسالاردا

گونشین اؤنونده اييله جكلر

خوجامين اليندن هپ اؤپه جکلر

ممد تبریزلی