آذوح: اوکتیابرین 21-ده هئیدربابا مئدیا قوروپونون تشببوسو ایله تورونتودا فعالیت گؤسترن آذربایجان ایستار تو کانا‌لی 500 تاماشاچی‌نین ایشتیراکی ایله کانالین آچیلیش مراسیمینی کئچیردی.
تئلئکانالین آچیلیشی کانادانین اونتاریو ایالتی‌نین عالی تحصیل ناظری دؤکتور رضا موریدی، آذربایجان رئسپوبلیکاسی‌نین کانادا‌داکی سفیرلیگی‌نین موقتی ایشلر وکی‌لی رامیل حسین‌لی و آز ایستار تو-نین تشکیلاتچی‌سی و ه.ب. مئدیا قوروپونون رهبری یاشار پورعلی طرفین‌دن اعلان ائدیلدی.
آذربایجان خالقی‌نین قوربتده یایین‌لانا‌جاق تو کانالینا و کانالین رهبرلیگینه اونتاریونون باش ناظری "کاتهلئئن Wynne" و اونتاریونون باش عآلی تحصیل ناظری "دؤکتور رضا موریدی" طرفین‌دن تبریک مکتوب‌لاری تقدیم اولوندو.
تبریک مکتوب‌لاری دؤکتور موریدی طرفین‌دن تو کانا‌لی‌نین تشکیلاتچی‌سی و رهبری یاشار پور علی یه تقدیم اولوندو. عینی زاماندا اونتاریونون باش ناظری طرفین‌دن دونیا شؤهرت‌لی موغننی، آزربایجانین خالق آرتیستی یعقوب بی زوروفچویا دا ایمضا‌لانان تبریک مکتوبو دؤکتور موریدی طرفین‌دن موغننییه تقدیم ائدیلدی.
آچیلیش مراسیمینده آذربایجان‌دان تشریف بویورموش یعقوب بی زوروفچو و تورونتودان اولان دیگر سنتچی‌لر کونسئرت پروقرامی ایله تو جانالین آچیلیشینی تبریک ائتدی‌لر.
آذوح
