دوروم گونو گونده ن داها چوخ دئیشیلیر. هرکس گله جه ک ده نه اولاجاغین دوشونور و او آنی یاشیا بیلمیر و ایسته سه ده او استرس لی دوروم اونو مجبور قیلیر کی قارا قارا دوشونسون .الده تلفن، تلفندا یوکلنمیش بوتون سوسیال مئدیا پروگراملاری. گونده می کنترل ائدیر!!!

پایلاشیلان بیر خبر: بیر نفر آت بئلینده شهرین جاده لرینده آت گزدیریر.

باشقا بیر خبر: دلار قیمتی ائندی ، دلار قیمتی یوکسلدی.

آما باشقا خبرلرده وار : آذربایجان تالاندی ، آذربایجان یاندی ، آذربایجان دا یوخسوللوق آمان کسیر، آمما باشقا بیر خبر اینسانین ایچین یاخیر، آذربایجانین ایگیدلری رئژیمین دوستاقیندا آج و سوسوز باش قالدیریب حاق لارین ایسته ییر لر، هر گون یئنی بیر آجلیق آکسیاسی .

بیرده ن آنلیق بیر پایلاشیلان خبر : گورور کی یازیب فیلان کس دئدی بیز چین لی لر کیمی تک اؤیون یئمک یئسک آمریکا بیزه گوجو چاتماز، آمریکا گؤرور بیزیم یئمه ک قونوسوندا ضعفیمیز وار بیزه سالدیریر. او خبری اوخورکن خبر باشلیقینداکی شکیله باخیلدیقیندا گؤرونور کی چوخ حاقلیدیر نیه چون او قدر آز یئییب کی کؤینه کینین دویمه سی آز قالیر قوپسون دوشسون یئره . او یازیقدا گوناه یوخ ، یئمه ک ده ن دئییل او سودا ایچسه اونو کؤکه لدیر.

نئیسه قونوموزا دؤنه ک

آذربایجان اوغول لاری تانینمیش میللی فعاللاری حاق لارین ایسته ییر لر همده ان تئمل حاقلارین. آجلیق اوروجونا باشلاییرلار هر یئر ده رمضان بایرامی قوتلانیر آمما آذربایجاندا بایرامین اولدوغوندان خبر یوخ بوردا داها آی گؤرونمه ییب. گؤره سن بورانین آیین، گؤنه شین ده یئییبلر و یا چالیب لار؟؟!!

بوردا بایرام یوخ ،مجادله وار. مجادله اولدوغون بیلیریک آمما بیر ایش ائده بیلمیریک.

گوج بیرلیکده دوغار . گوجون بیر اولدوغو یئرده دئوده اولسا دیز چؤکه ر.

باشقا گوجلره بئل باغلاق بیزی قورتارماز. بلکه او گوجلری مجبور ائتمه لییک کی بیزیم مسئله میز اوچون آیاق آتسینلار.

بیز آنا توپراق حسرتینده اولان ، یوردوموز، ائلیمیز و اوبامیزدان اوزاقدا یاشایانلار بیرلشیب بیر اولماساق اگر داها چتین گونلر گونئی آزربایجان داکی خالقیمیزی گؤزله ییر.

خالقیمیز استرسین یئنمه سی اوچون بیر گؤزه ل خبر گؤزله ییر. سسینین هر یئره چاتدیرلیماسینین خبرین اوخوماق ایسته ییر. اوزو گولمه لی دیر منیم خالقیمین نیه چون اونون هر شئی ده ن داها چوخ حاققی اوزونون گولمه سیدیر.

دوستاقدا اولان قهرمانلاریمیز بیزده ن خبر گؤزله ییر لر، تا بلکی دار دووارلار آرخاسیندا قارا گونلرین و وئردیکلری مجادله نین عبس اولمادیغینی بوش اولمادیغینی بیزده ن گؤزله ییر لر . او اؤزگورلوک اوغروندا آجلیق اوروجوندا اولان ایگید لریمیزین بایرامین تبریک ائتمک اولسون بیزیم گؤره ویمیز. آیله لرینه اونلارین آیریلیق دا اولدوغو زامانین بوش اولمادیغینی اونلارا اوجا سس ایله دویورماق گؤره ویمیز اولسون.

آرش مکاریدوست

آذوح- تورکیه تمسیلچی سی