گوُندن گوُنۀ دئیشدیکجۀ بوُ دوُنیانین سیماسی ،
اوُیانیشا دوُغروُگئدیراینسان حئییات سیماسی ،
اوُلوُب کئچمیش خاطیرۀ لرکیتابلاردا قالاجاق ،
چاغا اوُیغوُن یئنی قانوُن یئنی قایدا اوُلاجاق ،
آزادلیقین قاپیلارین گئنج نئسلیمیزآچاجاق ،
پیشۀ وری نئؤۀ لری زنجیرلری قیراجاق ،
شئیطانلارین سارایلاری اوُد ایچیندۀ یاناجاق ،
یاددان چیخمازمظلوُملارین طوفان کیمی قیامی،
سانکی گوُیدۀ شیمشئک چاخدی، سئللرآخدی،
یوُخسوُللارین اوُزوُ گوُلدوُ، قاراگئجۀ گوُندوُزاوُلدوُ،
تالانچیلار، بئی لر، خانلار، أمنییۀ لریوُخ اوُلدولارُ،
تئهران اوُلدوُجانیلرین ، اوُغروُلارین مئکۀ سی ،
اوُلکۀ میزدۀ آتالارین آنالارین اوُزوُ گوُلدوُ،
توُی چال چاغیرخالقیمیزا روُح وئرمیشدی،
عاشیق قوُربان سازین چالیب اوُینیاردی ،
گوُزل سئسلۀ موُغام ، ماهنی سوُیلیردی
أژدرعمی گوُزوُن باغلی دف چالاردی،
گوُلۀ گوُلۀ دفـی چالیب فیرلاداردی ،
قارمان چالان اوُستا بایرام یانیق کرم چالاردی ،
قارمان سئسی اوُریی لردن کئدرلری سیلردی،
چاتما قاشلی ، اوُجا بوُیلوُ یاراشیقلی بوُیوُگ خان ،
چئکمۀ گئییب فیریلدییب بارماق اوُستۀ اوُیناردی،
ساغ اوُل دئییب شاباشلاری بئی جئبین قوُیاردی،
قیزگئلینلرباشلاریندا گوُزل گوُللوُ یایلیقلار،
گیزلیجۀ دۀ اوُزلرینۀ أنلیک کیرشان یاخاردیلار ،
گوُلۀ گوُلۀ اینجۀ لیکنن طاووس کیمی سوُزردیلر،
اوُینادیقجا سوُبایلارین اوُریی لرین اوُزردیلر،
چالقیچیلار قیزیشدیقجا ماهنی دئییب چالاردیلار ،
اوُنوُدمارام اوُ گوُنلرین گوُزل شیرین خاطیرۀ سین ،
یادا دوُشجئک گوُزاوُنوُندن سوُزوُوُب کئچیر،
اوُخوُش گوُنلرآزادلیقین مئیوۀ سی ایدی ،
اوُشاغ بوُیوُک آنا دیلدۀ درس اوُخوُردوُ،
خالق ایچیندۀ شادلیق سئوینج یارانمیشدی،
أرک باشیندا ستارخانین آل بایراقی گوُروُنوُردوُ ،
هئرگوُرۀ نین اوُرییدۀ بوُیوُک غروریارانیردی،
کیملیگیمیز، وارلیقیمیزخئییال کیمی جانلانمیشدی،
یاتمیش طالع اوُیانمیشدی ،یوُکسئلیردی زیرؤلرۀ ،
توُرک کلمۀ سی تیترۀ دیردی دوُشمانلاری،
تئهران شاهی قان توُکمئگۀ تئلۀ سیردی،
سرسم لئشیب گئجۀ گوُندوُزچیرپینیری ،
گاه موسکوُوا ، گاه آغ ائووۀ یالواریردی،
بیرگۀ اوُلوُب سوُی قیریما بیرلئشدیلر،
سیلاح لانیب یئردن گوُیدن هجوُملارا باشلادیلار،
ساقدا، سوُلدا توُرکۀ قارشی بیرلئشدیلر،
آمانسیزجا بمب لار یاغدی یوُردوُموُزا،
قارا بوُلوُت یاییلدیقجا گوُنش قاچدی ،
شادلیق گئتدی اوُلکۀ میزۀ ظوُلمت گئلدی ،
بئیین ، خانین قوُلدوُرلاری آت بئلیندۀ ،
ألدۀ سیلاح ، آرخادا تانک ، طییارۀ لر،
مظلوُم لارین اوُجاغلارین سوُندوُرمئگۀ ،
توُرک اوُغلوُنوُن وارلیقلارین محو اتمئگۀ ،
موُللا ، مداح ، اوُغروُلارنان بیراوُلدوُلار،
یوُرد داغیلدی، اوُجاق سوُندوُ، سوُلاردوُندوُ
نامرد کئس لر بیر میللتین طالعینۀ حاکیم اوُلدوُ،
قنبر قارداش : دئدین دانیش من دانیشدیم ،
هئرگوُن چیخیب داغی، داشی، سئیر اتدیکجۀ ،
آنالارین آغلاشماسی کوُرپۀ لرین حزین سئسی،
بیرمیللتین قالاخ قالاخ دردین غمین دئدیم قارداش ،
آنا ؤطن باشدان باشا اوُز خالقینا مزاراوُلدوُ،
یادلار گئلدی اوُلکۀ میزدۀ حاکیم اوُلدو،
نئجۀ یازاق بوُدردی بیز، کیمۀ دئییک ؟
دئمئک سندۀ اوُ گوُنلردۀ سوُرگوُن ایدین ؟
چیرپینیردین ائلدن آیری گاه زینداندا گاه سوُرگوُندۀ
هئرگوُن سئحراعدام ، گوُلۀ سئسین ائشیدیردیک ،
کئرلئنیب دوُشوُنوُردوُم اینسان نئجۀ دوُزۀ بیلر؟
***************
