بیر میللتین تاریخینی نئجه اوخودوغو، کریتیک بعضی تاریخی دؤنه‌مه‌چ‌لرده نئجه بیر تاویر تاخیندیغی چوخ اؤنم‌لی‌دیر.

تاریخ‌سل گرچک‌لیک‌لر اؤزونو آپ‌آچیق اورتایا قویارکن، فردلرین سیاسی و ایدئولوژیک بیرتاخیم ساپلانتی‌لار اوزه‌ریندن تاریخه یاخلاشیم‌لاری، اؤزلرینه آرتی هئچ‌بیر دگر قازاندیرمایاجاغی کیمی، تاریخین رئالیته دوواریندان تک بیر کرپیچ‌ین داهی آزالماسینا دا قاتقی ساغلاماز.

تاریخی اولای‌لارین اؤزلرینی ار یا دا گئج اولدوغو کیمی اورتایا قویما، یاشانیلان اولای و سونراسیندا گلیشن اولگو نه ایسه، ساغا، سولا هئچ ساپمادان نسنل‌لیک چرچیوه‌سی ایچری‌سینده مئیدانا چیخمالاری کیمی بیر رئالیته‌لری موجوددور.

ایشته توم بو دوروم‌لار نتیجه‌سینده دییه‌بیلیریک کی؛ یوروم‌لامالارا و اؤزنل‌لیگه سون درجه آچیق اولان تاریخ بیلیمی اساسیندا تام ترسینه قاتی بیر اوبژئکتیف‌لیگین حاکیم اولدوغو، بیلیم‌لرین افندیسی فلسفه‌یله بیرلیک‌ده ان اسکی و ان گووه‌نیلیر بیلیم دال‌لاریندان بیری اولما اؤزل‌لیگینی سۆردۆرمک‌ده‌دیر.

فقط میللت‌لر ایچریسینده فردلرین صاحیپ اولدوقلاری ایدئولوژیک قالیپ‌لره گؤره گرچک‌لشدیرمه‌یه چالیشدیقلاری تاریخ اوخومالاری، تاریخی چوخ دار قالیپ‌لره حپس ائتمیش کیمی بیر ایزله‌نیم وئرمک‌ده‌دیر.

اویساکی تاریخین گرچک‌لری ان سونوندا اؤزونو اورتایا قویاجاق و توم سیاسی گؤروش ویاخود ایدئولوژیک قالیپ‌لرین اؤته‌سینه گئچه‌رک حاق ائتدیک‌لری قونوم‌لاردا یئرلرینی آلاجاق‌لاردیر.

توپلوموموزدا سییاسته آله‌ت اولمایان، سیاسی‌لرین گۆددۆک‌لری سییاست‌لرینه داها مشروع بیر زمین قازاندیرماق و اؤزلرینه داها چوخ طرفدار چکه‌بیلمک آدینا قوللانمادیقلاری قاورام قالمامیش کیمی‌دیر.

میللی حرکت و میللیتچی‌لریمیزین اؤزل‌لیک‌له میللی دوشونجه نوقطه‌سینده صاحیپ اولدوقلاری قۇووه‌تلی حیس و دویغولار، سییاستین ان چوخ قوللاندیغی بیر متاع حالینا دؤنوشموشدور مآلسف.

ایشته بو میللی سؤموروسونون اۆزرینه ایدئولوژیک قالیپ‌سل بیر تاریخ آلغیسینی دا اکله‌دیگینیزده چوخ گئنیش بیر کیتله‌یی یانینیزا چکه‌بیلمک او قدر قولایلاشیر (راحاتلاشیر) کی توپلوموموزدا.

میللی مسأله‌لر حاققیندا گنل بیر توپلومسال باخیش طرزینی یاخالادیغینیزدا و بو باخیش طرزینی سییاستینیزین دیناموسو حالینا دؤنوشدوردوغونوزده توپلومون اؤنم‌لی بیر کسیمینی آرخانیزا آلدینیز دئمک‌دیر.

مآلسف کی توپلوموموزدا سیاسی دوروم بؤیوک اؤلچوده بو شکیل‌ده سۆره‌گلمیش‌دیر. اصلینه باخارسانیز بیرچوخ شئی حاققیندا اوبژئکتیف‌لیگیمیزی، طرف‌سیز باخابیلمه‌سینی و ده بونون گتیردیگی عادیل بیر یاخلاشیمی ایتیرمیش دورومداییق.

تاریخه، سییاسته، کولتورل میراثیمیزا و بیرچوخ بیزه عاییت اولان دیسیپلینه باخیشیمیز، تاوریمیز یانلی اولماق زوروندا بیراخیلدیغی ایچین قالیپ‌لر اؤته‌سینه گئچه‌مه‌دیک. قابیغیمیزی قیریپ، گئچميشیمیزه شؤیله بیر باخیپ جسارت‌له‌نه‌مه‌دیک.

نه اولورسا اولسون دوغرونون، حاق‌لی‌نین طرفینده صف توتوپ، باطیل'ه دولاییسی‌یلا دا شوْوینیزمه حاققی‌یلا بیر کۆکره‌ییش سرگیله‌یه‌مه‌دیک. و توم بو یاپیلامایان، گرچک‌لشدیریله‌مه‌یه‌ن‌لرین چیخمازیندا بیربیریمیزه دۆشدۆک.

یئنی‌دن آرزو ائتدیگیمیز گئچميشیمیزه لاییق اولابیلمک و داها دا اوست سوییه‌لره اریشه‌بیلمه‌میزین آچار'ی هر شئی‌دن اؤنجه صاحیپ اولدوغوموز او اوجا تاریخیمیزده گیزلی‌دیر.

اوْ اۆزدن داها بیر چوخ تاریخه دالمامیز، اؤز تاریخیمیزی اؤزۆمۆزۆن یئنی‌دن یازابیلمه‌سی گرک‌لی‌دیر. بیزه باغیشلانیپ سونولان سؤزده قازانیم‌لار دگیل، اؤزوموزده وار اولان دگرلر ایشیغیندا یؤنوموزو اؤزوموزون بلیرله‌مه‌سی، گله‌جه‌گیمیز آچیسیندان ان قییمت‌لی و آنلام‌لی بیر آددیم اوْلاجاق‌دیر.

قیساجاسی؛ «هر شئی تورک ایچین، تورک'ه گؤره و تورک طرفیندن» گرچک‌لش‌دیگینده تام بیر اولغون‌لوق چاغینی یاخالامیش اولاجاغیق.

گرچک دیریلیش اؤز ایچیمیزده، اؤز درین‌لیک‌لریمیزده یاتارکن، بیزدن اولمایان هر نه وارسا مۆپتلاسی اولدوق دا، اؤز جئوهره یابانجیلاشمایی مهارت ظننینه قاپیلدیق.