دونیانین چاغداش ایقتیصادی بوحرانلارلا دولو اولدوغو دوروموندا بورادا حاکیم اولان نئو لیبئرال ایقتیصاد سیستئمینی گوز اونوده توتمالیییق. بئله بیر سیستئمین پایالارینی کنترول سیز و ائله جه ده دوولتلرین اونو کونترول ائمه سینین قارشیسینی آلان کاپیتالیسم سیستئمینین دایاغی اولماقدادیر.
بئله بیر حاکیم ایقتیصادا بو نوع ائکونومی گوروش عومومییتله لیبئرال ایقتیصاددان حدسیز، اندازه سیز حیمایت ائدیر. بئله بیر دورومدا، بو سیستئم کاپیتالین ایختییارلارینی بوتون ساحه لرده آزاد قویور و او سیستئمین فعالییتلرینی دوولت لر داخیلینده و ائله جه ده دوولتلرین الی ایله ضمانت ائدیر. بئله بیر دورومدا اونلارین حدسیز و حئسابسیز ایختییاراتلاری بوتون توپلومون بولوملرینده اولدوغو حالدا، دوولتلری اوز نوفوذلارینین و چیخارلارینین یونونه چه که ره ک، دوولتلرده اونلارین چیخارلارینی تضمین ائدیرلر. بو او دئمه کدیر کی، بو سیستئم اوزونه بیر دوولت، دوولتلر آراسیندا یاراداراق، بو دوولت اونلارین بو قایدا- قانونلاری، مقرراتلاری، حوقوقو، فینانس، سرمایا و دموکراتیک ایسته کلرینی تضمین ائمه لیدیر. و دوولت سیستئمی اونلاذین فعالییتلرینه قارشی حاقلاری یوخدور.
بئله بیر دورومدا فردی، شخصی باغلانتیلار و ائله جه ده عموم ایقتیصادی چیخارلار آرادان گئدیر .
بو او دئمه کدیر کی، هر کیمسه اوز فردی و شخصی چیخارلارینی هر شئی ده ن اوستون توتوب و بورادا کیچیک دوولت یعنی" گوزه گورونمه یه ن ال" بئلنجی اوز فعلییتلرینه داوام ائدیر کی، اونلار حیاتا گئچیرلن بوتون بو ایشلرینینین هامیسی کی عموم اینسالارین ، توپلومون و کوتله نین چیخارلارینی قوروماق اوچون گوسته ر مه یه چالیشیر. و اونلار بشرییتین راحات یاشاماقلاری اوچون بو نئولیبئرال ایقتیصاد سیستئمینی یارادمالارینی تبلیغ ائدیرلر.
آما عملده نئو لیبئرال ایقتیصاد سیستئمینین آماجی اصلینده اینسانلاری کوله کیمی ساخلاماقدان عیباره تدیر.
بئله بیر سیستئمده بویوک کونسئرنلر، فینانس شیرکتلری باشقا کونسئرنلرله رقابت(یاریش) ائده ره ک، گلیرلرینی قات- قات چوخالدیب، تقاضا چوخالدیغی دورومدا، عرضه نی یوکسلدیب، ائله گوسته ریلیر کی، بئله بیر دوروم عموم اینسانلارین ریفاه دا یاشاماقلاری اوچون گره کیر.
البته دونییانین بویوک صنعتی و ایقتیصادی باخیمیندان زنگین اولان اولکه لرده بئله بیر "گورونمه یه ن ال"ین ایشله مه سی بوتون ساحه لرده گورمک مومکون دور. اونا گوره ده نئو لیبئرال سیستئمین ایسته کله رینین بیری ده دوولتلرده ن بو دور کی، اونلار پول موقرراتی و قایدا- قانونو دوولتین پول قایدا- قرارلاری طره فینده ن ضمانت اولدوغونو ایسته ییر لر. و بونون اساسلارینی وقایدالارینی دوولت طره فینده ن آیدین شکیلده مشخص اولونماسینی و توپلومدا عملی حالدا حیاتا کئچیریلمه سینی کسین ایسته ییرلر.
اونلارین بئلنچی باخیشلاری اساسیندا ایش، سرمایا و فاینانس رقابتلی اولدوغو حالدا، ایقتیصادی گوج ده کونترول اولوندوغو مومکون اولا بیلر.
دونییا دوزه نینده بئلنچی حاکیم قلوبال( کوره سه ل) ایقتیصاتدا بئله قایدا- قانونلار بوتون اولکه له ر اوچون بارابارلاشاراق، زمانا اویقون گلیشیر و تکامول لشیر.
بونو بورادا قئید ائتمه لییم کی، بیز بئله گلیشمه لری کلاسیک لیبئرالیسم ده ده تجروبه ائده ره ک، بونو دا گورمه لییک کی ، دونیانین ایقتیصادی دوزه نده بئلنچی کیجیک دوولتلرین( گورونمه یه ن الین) ساییسی چوخ دور. و اونلار دا بو دوولتلر طره فینده ن بوتون ساحه لرده حیمایت اولونورلار. بئله بیر دورومدا اینسانلارین چوخونلوغونون دئموکراسی سیستئمی چارچوواسیندا یاشاییشلاری قوربان وئریلیر.
نئو لیبئرالیسم ایکی جبهه ده یعنی بیر طره فده ن ساغا قارشی اولارق، چونکو اونلار تئروریزمه قارشی ساواشی تمامن اونو کونترول ائتمک ایسته دیکلری دورومدا، باشقا طره فده ن سولا قارشی دیرلار چونکو سوللارین دونییا گوروشلری اوز رینده نئو لیبئرالیسم دونییا ایقتیصادینی کامیل حالدا اوز ایختییارلاریندا ساخلاماق ایسته ییرله ر و بونا سوللار کسین قارشیدیرلار.
نئو لیبئرال بیر پیشمیش یئر آلماسی و سوزی لرله (سبزی)دولو دورمه یه( دورمک) بنزه ییر کی، هر ایکی طرفه قارشی ساواشلاردا ، دورمه یین محتواسینی اه للرینده ن آلماق ایسته یه ساغ و سولون قارشیسیتی آلماق ایسته ییرله ر. ۲۰۰۲- نجی ایلده اورتایا چیخان دونییا ایقتیصادی بوحران کاپیتال سیستئمینی یئتی ده ن دوشونمه یه مجبور ائتدی.
او بوحران هله ده اوزونو یونان ، اسپانیا ، ایتالییا، فرانسا و....اوزونه چئشیدلی فورملار آلاراق، هله ده اونون ایزی آرادان فالدیریلماییبدیر. بو بوحرانین خسارتینی بو گون میللتلر اوده ییرلر. ایرلندییانین بوحرانی و ایفلاس اولماسی هله ده یادداشلاردان سیلینمه ییبدیر.
بیلدیینیز کیمی بو بوحرانا بیر نئچه دوولت موداخیله ائده ره ک، اونو چوزمه ییی باجاردیلار و باشقلاری اونو چوزه بیلمه یه ره ک ، اونون بوراخدیغی سونوجلاری ائله هله ده اه ل - آیاق چالیرلار.
سوسییالیست آدلانان اولکه لر ایله کاپیتالیست سیستئملی اداره اولونان اولکه لر آراسیندا اولان دووارلار ییخیلدی.کاپیتال سیستئمی آلتئرناتیوسیز قالاراق، اوزونو یئنی واقعی دونییا دوزه نی اولدوغونوگوسته رمه یه باشلایاراق، اوز سیستئمینی یعتی نئو لیبئرال ایقتیصادی سیستئمینین بوتون سورونلاین چوزوم یوللارینی بو سیستئمده نوماییش ائتدیردیینی گوسته رمه یه چالیشدی.
آما بئله بیر سیستئنمین حاکیم اولدغو بشرییت اوچون چوخلو ایقتیصادی، توپلومسال پروبلئملری ده اوزو ایله گتیره ره ک، چوخلو ساواشلاری دا اوزو ایله بشرییته پای گتیردی.اونلارین نمونه له رینی دونییانین چوخلو اولگه و بولگه لرینده گورمک مومکون دور. ایشچیلرین گلیرلری آشاغی سوریه یه دوشورولدو، چوخلو ساییدا اینسانلار اوچون اوره تیمه یول تاپماق مومکون سیز اولوندو و ائله جه ده میللتلرین بو گونه ده ک اه لده ائتدیکلری نائلییتلر آرادان آپاریلدی.
یعنی ائکونومینین یالان گوسته ردییی ۲۰۰۰۲- نجی ایلده ن به ری ایقتیصادی بوحرانی بونو ایثبات ائتمه یه چالیشیر کی، نئو لیبئرالیزیم سیستئنی ایشسیزلیین قارشیسینی آلاجاق دیر.آما اونلارین عملده حیاتا کئجیردیکلری ایقتیصادی سییاستلری دئدیکلرینین عکسینی گوسته ردی. ائله کی، گوردوک، ۲۰۰۵- نجی ایلده ن به ری ایقتیصادی گلیشمه چوخالاراق، ایشسیرلییین سایی دا آشاغییا دوشموشدیر. بو تاریخده ن بیر موددت اونجه نئو لیبئرال سیستئمینین گوروشلری نی نماینده لیک ائده نلر ایقتیصادیاتین محو اولماسی و بوحرانلی اولدوغونو دونییا ایجتیماعییتیه گوسته رمه ک ایسته ییردیلر.
البته اونلارین آماجلاری بو ایشده ن مزد( گلیرلری) آزالداراق، ایشچیلری ایش ساعاتلارینی چوخالدیب، اولارا گوردکلری ایش قارشیسیندا، آز پول وئرسینلر. اونلار بو ایشده باشاریلی اولاراق، بو گون ده اونو ایره لی آپاریرلار.
بونودا قئید ائتمه لییه م کی،گئرچکده بئله بیر رقابتلی ایقتیصادی یاریشماسیندا اوره تیم نئچه قات چوخالاراق، گلیر لرینده اونا اویقونلاشماسی و چوخالماسی بیر- بیر لری ایله باغلانایدا اولماسی گره کمه لی ایدی. آما واقعییت اونون عکسینی گوسته ریر.
نئجه کی گوردوک، ۲۰۰۷- نجی ایلده باتی، صنعتی اولکه لرده خصوصن آلمانییادا مال ایخراجاتی نئچه قات چوخالدی. آما بو میللتین جیبینده پول آزالدی.
بو اونو گوسته ریر کی، نئو لیبئرالیسم سیستئمی بو اولکه ده توپلومسال عدالتی آرادان آپارماق سییاستینی ایره لی آپاریر.
بونو دا بورادا قئید ائتمه لییه م کی، فینانس(مالی) بازارلاری ایقتیصاد اوره تیمینی باسقی آلتینا قویاراق، اونو اوز هدفلرینه چاتدیغینا اویقون گورور.
البته او سییاست دوزگون اولورسا، کی ایقتیصادی گلیشمه ایره لی گئتدیکجه ، اینسانلارین ایقتیصادی گوجو ده چوخالدیغی طبیعی و نورمال اولمالیدیر و بئله بیر دورومون حاکیم اولدوغو حالدا، تولید، عرضه ده ن آرتیق اولابیلمه ز، و بئله لیکله اولکه لرین بورجلاری وئریلمیش اولدوغودا مومکون لشدیریله ر.
اورنک اولاراق، بو گون آلمانییادا ۴۵ میلیون اینسان بوتون واخت ایشله ییر. اونلارین چوخونون ایشی آغیر و گلیرلری آزدیر و آزالماقدادیر.بئله بیر دورومدا ایشلییه ن لرین سایی گون به گون آلمانییادا چوخالماقدادیر. بو او دئمک دیر کی، اونلار قیرمیزی جیزیغین آشاغیسیندا( فقر) ( اوروپا استانداردلاری ایله قییاسدا) یاشاییرلار.
اونلارین دوزگون یاشاملاری اوچون گلیرلری آز و اولمک لری اوچون گلیری لری چوخدور. بئله یاشایان اینسانلارین ساییسی آلمانییادا ۷ میلیونو کئجیر. بورادا چوخلو شیرکتلر واردیرلارکی، ایش آختاران اینسانلاری باشقا شیرکتلره بورج وئریلر.
نئولیبئرالیسمین ایقتصادی سییاستی اساسیندا اوجوز ایشچیلرینین سایی گره ک قات- قات چوخالسین و بو ایشده ده اونلار باشاریلی اولوبدورلار. بئله بیر حالدا ایشچیلر، باشقا ایشجیلره قارشی ساواش سییاستینی ایره لی آپاریرلار و اوز صینیفداشلارینا دوشمانچیلیق یارادیلیر. ایشچیلر، ایشچیلرین قارشیسیندا دوردورلور. بو گون شرقی آوروپادان اولان آلمانییادا ایشلییه ن ایشچیلر ایله آلمانییادان اولان ایشچیلرین آراسیندا اولان دوشمانچیلیغی گورمک چوخ دا راحات دیر
بیر یئتی چاغ باشلانیبدیر کی، توپلومسال عدالت یاواش- یاواش آرادان آپاریلیر. میلیونلار جا اینسان اوز حداقل لازمی و ضروری ائحتییاجلارینی تعمین ائتمکده چتینلیکلر چکیرلر.
قئید ائتمک گرکیر کی، نئو لیبئرالیسمین ایستکلرینین بیری ده اونلارین اه للرینین دونییا ایقتیصاد بازارلاریندا ( بویوک کاپیتالین) قدرت و نفوذلارینی حدسیز و حئسابسیز اولدوقلارینین تضمین اولونماسی ایله یاناشی، بو ایشده اینسانلارین تک- تکینین سوسییال ایقتیصادی بازارلارینا دا سورونلو اولدوقلارینی کسین ایسته ییر.
چاغیمیزدا بویوک کونسئرن لرین، فینانس، بیمه باشقا بویوک شیرکتلرین بیر- بیری لری ایله بیرلشمه لری و بوتون بازارلاری اوز کونترولارینا گتیرمه لری ایله یاناشی بوتون ایقتیصادییاتی کامیل حالدا اوز کونتروللاری آلتیندا ساخلاییرلار.
اونلار قلوبال( کوره سه ل) گوروشلرینی ایره لی آپاراراق، رقابتلی میللی گلیشمه نی اون گورورلر. بو هدفه چاتماق اوچون اونلار کارتئل مرکزییتلرینی یارادیرلار. بو او دئمکدیر کی، بیر نئچه کونسئرنین دونییا بازارلارینی اوز آرالاریندا بولوشمه سینده، قیمت‌لری اونلار اوزلری تعیین ائدیرلر. بئله لیکله ده کارتئل لر اوزلری تک قرار وئریجی اولاراق، دونییا بازارلاریندا هئچ بیر دوولت و یادا باشقا بیر اورقان اونلارا بو قرارلاردا هئچ بیر موشکول ده یارادا بیلمه زلر.
