عوُموُربوُیوُآنا وطن سئوگی سی ایلۀ یاشادیم ،

بوُسئوگی ایلۀ ائل اوُبامین آزادلیقیین دوُشوُندوُم ،

بوُساوشدا أصلان کیمی ایگیدلری چوُخ گوُردوُم ،

اوُلوُم قالیم چاغلاریمدا سیما لارین اوُنوُتمادیم،

ایشکئنجۀ لرقارشی سیندا دیزچوُکمۀ دیم،  

ایللرکئچدی ذئمیرقاپی آرخاسیندان آزاد اوُلدوُم ،

دوُستلاریمین گوُزلریندن سئوینج یاشی آخیردی ،

آغلار، گولر، محبتلی، شعرغزل اوُخوُدوُلار،

اوُجا سئسلۀ سوُیلۀ دیلر، قوُرتوُلوُشوُن موبارک ،          

غرور ایلۀ سن فتح اتدین زیندانلاری سوُرگوُنلری،

باش ایمۀ دین نامردلرۀ اوُمید وئردین سن بیزلرۀ ،

قنبردایی سن چوُخ یاشا اوُنوُدماریق بیزلرسنی ،

بیزدن سالام آنا ؤطن آذربایجان یوُردوُموُزا،

           ******************

آخشام ایدی، یاتان یاتدی،صوُبحۀ قئدرمن یاتمادیم ،

تئلۀ سیردیم ، چیرپینیردیم سحرهاچان آچیلاجاق ،

سانکی زامان دایانمیشدی ، هئچ کئچمیردی،

صوُبحۀ قئدرخئیال گوُمان عالمیندۀ سیرائدیردیم ،

بیردۀ باخدیم گوُنش چیخدی قارا گئجۀ سوُنا چاتدی،

زیندان بانلاراوُجا سئسلۀ چاغیرباغیرسالمیش دیلار،

دئمیرقاپی بیردن بیرۀ جینگیلتی ایلۀ آچیلدی،

آجی آجی منۀ باخان زیندان بان تحقیر منۀ دئدی، دفعۀ

قالخ آیاقا ، حوُکمون گئلدی آزاد اوُلدوُن !

سوُنرا منۀ باخیب دئدی دوُش قابا دفترۀ ،

آل بوُ حوُکموُ قوی جئبینۀ ، آزاد اوُلدوُن !

گوُلۀ گوُلۀ حوُکمو آلدیم سئویجلۀ یوُلا چیخدیم ،

پائییز چاغی کئدرلی دیر، آنجاق منۀ باهارایدی،

هئچ دوُرمادان قاپیلاردان چوُلۀ چیخدیم ،

تئلۀ سیردیم ائل اوُباما چاتماق اوُچوُن ،

آزاد اوُلموُش بیرقوُش کیمی اوُچماق اوُچوُن،

هئچ بیلمۀ دیم دوُغما یوُردا نئجۀ اوُچدوُم ،

یوُل اوُزوُنوُ داغی داشی سئیر ائدیردیم ،

شهید اوُلموُش دوُستلاریمی یاد ائدیردیم ،

کوُچۀ لری ، تنگۀ لری چوُخ دوُلاندیم ،

سانکی هئر یئر دئیشمیشدی ، تانیمادیم،

دوُست تانیشلار یوُخ اوُلموشدوُ تاپانمادیم ،  

کئدرلئندیم ، اوُرۀ یمۀ غم کاروانی هجوم اتدی ،

کئندیمیزین یوُلوُن تاپدیم ، کئندۀ دوُندوُم ،

کئندیمیزدۀ یئنی یئتمۀ گئنج لری من تانیمادیم ،

آتام ، آنام غم کئدردن دوُنیلارین دئیشمیشدی ،

باجی ، قارداش قوُجالمیشدی، سارسیلمیشدی،

من گوُدوُیوُم گوُلراوُزلو قیزگئلینلر، أپریمیشدی،

ایگید لرین چوُخلاریندان اثر نیشان قالمامیشدی،

قارا گوُنلر خالقیمیزی تالامیشدی ، یوُخ اتمیشدی،

اوُجاق سوُنوب ، دام داشلاری بوُش قالمیشدی،

ایختیارسیز گوُزلریمدن داملا داملا یاش آخیردی

ای وای وطن گوُرکی نئجۀ باشسیز قالدین!

شان سهرتین تاپدالاندی، أرنلرین یوُخ اوُلدوُلار،

بیردۀ هاچان خیابانی ، پیشۀ وری یاراناجاق ؟

کیم بوُ خالقی قارانلیقدان ، أسارتدن قوُرتاراجاق؟

             *******************

پوُلاد قارداش دانیشاندا قانیم جوُشور، قیزیشیرام،

اوُرۀ یمین آلوُولارین داغلا ، داشلا پایلاشیرام ،

سنی گوُردوُم یوُنگوُل لئشدیم چوُخ سئویندیم ،

پوُلاد کیشی اوُرۀ ییندن کئدر دوُلوُ بیر آه چئکیر،

سانکی بوُتوُن شیرین آجی کئچمیشلری یادا دوُشوُر،

دئییر قارداش گوُروُش ، صوُحبت چوُخ خوُش اوُلدوُ،

اوُرۀ ک سوُزوُن یادا سالیب کلمۀ کلمۀ بیز دانیشدیق ،

کئچمیش لرین فاجیعۀ سین گئنج لریمیز بیلمۀ لی دیر،

تئهرانداکی حیلۀ کارلارگوُنوُ گوُندن هارینلاشیر،

خالقیمیزین آنا دیلین یوُخ اتمئگۀ چالیشیرلار،

تاریخیمیز، کیملیگیمیز، توُرکلوُگوُموُزاینکاراوُلوُر،

آمما زامان چوُخ تئزلیکلۀ ظالیم لرۀ حوُکم ائدۀ جئک،

آذربایجان اوُیاناجاق اوُزکیملیگین تانییاجاق

گوُن گئلر کی بیرگۀ اوُلوب سئل اوُلاریق ،

شاهلیق گئتدی ، خیلافت دۀ سارسیلاجاق،

اوُتای بوُ تای افسانۀ سی یوُخ اوُلاجاق ،

           ********************

ایکی یولداش دانیشدیجا یوُروُلوُرلار،

گوُنش گئدیب داغ دالیندا اوُزاقلاشیر،    

هئردندن دۀ بیر سیزیلتیلی یئل أسیردی،

اوُشوُیوُردوُ هئرایکیسی گئرنئشیردی ،

گاه بوُزوُشوُب ، گاهدا هئردن تیترۀ یردی ،  

بوُلوُت لارین ایشیق رنگی قارالمیشدی ،

قنبردئییرقارداش گئدئک بیر چای ایچئک،

قالان سوُزوُ بیزیم ائودۀ هم قیزیشاق هم دانیشاق ،

ایکی قارتال گوُلوُمسۀ یب یوُلا دوُشور،

سئحرتئزدن داغا چیخمیش اوُشاغلاردا،

قاچا قاچا داغدان انیب ائولرینۀ گئدیردیلر،

آنجاق هئردن شاققیلدییب گوُلوُردوُلر،

دردیکلری داغ چیچئگی أللریندۀ سوُلموُشدو،

قنبرکیشی اوُشاغلاری سئیراتدیکجۀ سئوینیردی،

نئچۀ اوُشاغ قاچا قاچا گوُلۀ گوُلۀ گئلیردیلر،

یاخینلاشیب بابالارا سالام دئیب گوُلوُرُدوُلر،

دردیکلری داغ چیچئکدن بابالارا وئریردیلر،

بیردۀ دوُنوب أل قالدیریب قاچا قاچا گئدیردیلر،

اوُینییاراق، اوُخویاراق کئندۀ دوُغرو قاچیرلار،

قنبر کیشی دوُلغوُن دوُلغون اوُشاغلارا باخیردی،

صاف اوُریی لی ، ایستی قانلی ، بالالار،

بیز قوُجالدیق ؛ گوُوۀ نیریک سیزلرۀ ،

گئلۀ جئکدۀ قوُرتوُلوُشوُن عسگرلری،

بیرگۀ اوُلوُن ، خوُشباخت گوُنلر سیزین دیر،

قارداش اوُلوُن سیرداش اوُلوُن هئرزامان ،

آزادلیقین بابک لری، کوُراوُغلوسوُ سیزاوُلوُن،

اوُنوُدمایین پیشۀ وری آتامیزین سوُزلرین،

آیریلیقدان خئییرگئلمز یوُمروُق اوُلوُن بیرلئشین ،

خالقین گوُجو، سعادتی ، بیرلیکدۀ دیرهئر زامان .

           **********************

(یاشامین گوُزگوُسوُ پوُئماسینین سوُنوُ 1999 ــ آذرخش)

حوُرمتلی أمیر مردانی بئی ؤ آذوُح سایتیندان تشکوُر ائدیرۀ م . 9 / 10 / 2020