چاپ

 

yarı Hənək - yarı Dəyənək

tartışmaq içində halıma ağladı malla

nazil edərk ayə , sigar çağladı malla

baxdı gözümə söylədi biçarə yanarsan

hədis oxudu ağzımı bərk bağladı malla

dedim ağa bil məndə baxış çox sekulardı

tez etdi şəhid , qəlbləri dağladı malla

olma sekular söylədi ! kafər demək imiş

cənnət vədəsin verdi məni yağladı malla

dedim ağa can istəmirəm əhli deyilləm

oldu bədəvi gör necə o şağıladı malla

başladı mənə adəmi , həvvani , tanıtsın

ya buğda ya alma topuna bağladı malla

göstərdi çəba ta məni o dinə gətirsin

o qədər danışıb millətə sarsaqladı malla

zalim balası verməz əmək əngi boş imiş

yordu məni bərk sonda özü tığladı malla

haram yeməyə adəti var , hər nə desən de

şişdi yeyərək köpdi bütün lığladı malla

bu gün ucada taxda oturub , dilli dilənçi

oradan aşağa kəlləmizə qığladı malla

əlində çubuq taplayacaq hər kəsi görcək

solda məni , sağda kimi o sağladı malla

aydınla ziyalı çalışır , bir pəncərə açsın

tutub bacanı , pəcərəni zığladı malla

xəlvətdə gülür millətimə gör nəyə qadir

qoy zillətə gülsün ! əbədi ağladı malla

çox şişmə Eşilbax belə ki sən sekularsan

pis günə qoyan milləti o lağ-lağı malla

Eşilbax   11.05.2018

یارئ هَنَک - یارئ دَیَنک

تارتئشماق ایچنده حالئما آغلادئ ماللا

ناذل اِدَرَک آییه سیگار چاغلادئ ماللا

باخده گوُزوُمه سویلدی بیچاره یانارسان

حدیث اوخودو آغزئمئ بَرک باغلادئ ماللا

دئدیم آقا بیل ! منده باخئش چوخ سکولارده

تئز اِتدی شهید ، قلبلری داغلادئ ماللا

اولما سکولار سویلدی ! کافر دمَک ایمیش

جنّت وعدئسین وردی منی یاغلادئ ماللا

دِدیم آقا جان ایستَمیرَم اَهلی دییللم

اُلدو بَدَوی گور نئجه اُو شاغئلادئ ماللا

باشلادئ منه آدم له ، هووانئ ، تانئتسئن

یا بوغدا یا آلما توپونا باغلادئ ماللا

گوستردی چابا تا منی اُو دینه گتیرسین

او قدر دانئشئب آز قالا سار ساخلادئ ماللا

ظالیم بالاسئ ورمز اَمَک اَنگی بوش ایمیش

یُوردو منی بَرک سوندا اوُزو تئغلادئ ماللا

حارام یِمَیه عادتی وار، هر نه دئسن ده

شیشدی ییرک , کوُپدو بوتون لئغلادئ ماللا

بو گوُن اوجادا تخته اوتوروب دیللی دلاور

اورادان آشاغا کلله میزه قئغلادئ ماللا

اَلینده چئبوق تاپلایاجاق هر کسی گورجک

سولدا منی او ساغدا کمی ؟ ساغلادئ ماللا

آیدئن , ضئیالی چوخ چالئشئر پنجره آچسئن

توتدو باجانئ , پنجرنی زغلادئ ماللا

خلوتده گولر مللتهَ ! بس گور نَیه قادیر

قُوٌی ذللته گولسون عبَدی آغلادئ ماللا

چوخ شیشمه اِشیلباخ بئله کی سن سکولارسان

پیس گونه قویان مللتی او لاغ لاغئ ماللا

اِشیلباخ     11.05.2018