چاپ
دسته: مقالات
بازدید: 92

 

آجلیق آکسیاسی (اعتصاب غذا)حاقسیزلیغا معروض قالان و اومودو هریاندان اوزولن بیر محبوسون سون سیلاحی دیر.

من حبسده اولدوغوم دونمده ایکی دفعه اوزون مدت (بیر دفعه پارتیاداشلاریملا بیرلیکده) ۳۷ گون و بیردفعه ۵۲ گون آجلیق ائتمیشم.

سونونجو آجلیغیمین سببی سیاسی محبوسلارا اولان حاقسیزلیقلارا قارشی ایدی یعنی تفکیک جرایم،مرخصی،سیاسی محبوسلارین اوز شهرلریندن اوزاق حبس چکمه لری و ...کی،ایران اسلام جمهورییتینین قانون مجازات اسلامی و آیین نامه سازمان زندانها دا وورغولانیب. آنجاق بو قانونلار سیاسی محبوس لارا شامیل ائدیلمیر.سببین ده هئچ بیر مسئول وورغولامیر.

ایندی محکمه قووه سینین رئیسی، و بو سمتده اولا-اولا اجرا ائدیجی قووه یه کاندید اولان و هامیدان چوخ عدالتدن دم ووران رئیسی جنابلارینا اوز توتوب دئییرم عباس بی لسانی بو آن اعتصاب غذاسین سیندیرار تکجه بویوراسینیز:«بیز یازیلمامیش قانونلاریمیز اساسیندا بیزیم حاکمییتیمیزه قارشی چیخان ویاخود بیزیم حاکمییتیمیزی به ینمه ینلرله داوراناجیق.نئجه کی،بو گونه دک سیاسی محبوسلارلا تفکیک جرایم،مرخصی،معالجه و ...خصوصوندا یازیلمامیش قانونلاریمیز اساسیندا داورانمیشیق

بو اولورسا،عباس بی لسانی و اونونلا آجلیق ائدن باشقا سویداشلاریمیز آجلیقلارینا سون قویوب،اوتوروب حبسلرین چکرلر.

عباس بیه و بوتون دیلیندن و عقیده سیندن آسیلی اولمایان سیاسی محبوسلارا آزادلیق دیله ییرم.