علیرضا قولونجو

بو یاخین‌لاردا وارشاوادا تقریباً 60 اؤلکه‌نین ایشتیراکی ایله یاخین شرق عذره بئینلخالق کونفرانسین کئچیریلمه‌سی ایله برابر ایران موخالیفتینه منسوب بعضی قوه‌لر ده پولشانین پایتاختیندا توپلانتی‌لار و میتینق‌لر تشکیل ائدیب‌لر. بو توپلانتی‌لارین بیرینه قاتیلان تورک فعال امیر مردانی آمئریکانین سسی ایله صحبتده باش وئرن‌لری شرح ائدیب.

یاخین شرق عذره بئینلخالق کونفرانسین هدف‌لرینی دیرلن‌دیرن امیر مردانی خصوصیله ایران ایسلام رئسپوبلیکاسینا موخالیف قوه‌لری بیرلش‌دیرمک هدفینه دقت چکیر.

عمومیتله، بو کونفرانسین آماجلاریندان‌ بیری بو اولا بیلر کی، آمئریکا ایرانا قارشی سیاستینی داها جدی شکیلده یوروتمک ایستیقامتینده ایرانین موخالیف قوه‌لرینی بیرلش‌دیرمک ایستییر،” تورک فعال دئییر.

ترامپ آدمینیستراسیاسی وارشاوا گؤروشونده ایران مسئله‌سی‌نین گوندمده اولماسینی ایستییردی. لاکین تشکیلاتچی‌لار ایسرایل-فلستین موناقیشه‌سی، سوریا و یمنده ایشید-ا قارشی موباریزه‌نین ده اؤنمینی ایره‌لی سوره‌رک، کونفرانسین گونده‌لیگینه سالیب.

امیر مردانی ایران موخالیفتین‌دن اوچ اساس حرکاتا منسوب قوه‌لرین وارشاوایا سفر ائتدیگینی بیلدیریر:

ایران موخالیفتینی اومومی قروپ‌لارا آییرساق، اورایا اوچ اساس قروپ گلمیشدی؛ خالقین موجاهیدلری، شاهچی‌لار، مونارخیست قوه‌لر و قئیری-فارس میللت‌لره منسوب قوه‌لر.”

میللی فعالین سؤزلرینه گؤره، وارشاوادا 10 قئیری-فارس تشکیلات بیرگه بیانات ایمضالایا‌راق ایران ایسلام رئسپوبلیکاسینا قارشی بئینلخالق اتفاق‌لارا دستک وئره‌جک‌لرینی بیلدیریب‌لر.

بیز قئیری-فارس‌لار اولا‌راق 12-13 فئورالدا اورادا احواز آزادلیق حرکاتی (عرب ایجماسینا منسوب سیاسی پارتیا) باشچیلیغیندا بؤیوک بیر توپلانتی کئچیرمه یی دوشونوردوک. دوشونولوردو کی، تخمینن 100-150 نفره یاخین قئیری-فارس تشکیلات‌لارا منسوب فعال‌لار اورادا توپلانسین، و اوندان سونرا بئینلخالق کونفرانسین کئچیریلدیگی یئرده بیر آکسیا کئچیریلسین،” مردانی قئید ائدیر.

لاکین اونون دئدیک‌لرینه گؤره، پولشانین تهلوکه‌سیزلیک قوه‌لری بو تدبیرلرین پلانلاشدیریلدیغی شکیلده کئچیریلمه‌سینه ایجازه وئرمه‌ییب‌لر: “هم کونفرانسین کئچیریلدیگی مکانی باغلاماغا چالیشدی‌لار، هم ده، 50-دن آرتیق قئیری-فارس قوه‌لره منسوب فعال‌لاری هاوا لیمانین‌دان گئری گؤندردی‌لر.”

امیر مردانی علاوه ائدیر “اما یئنه ده بؤیوک جهدلر اولدو و قئیری-فارس قوه‌لرین توپلانتی‌سی کئچیریلدی. 10 تشکیلات بیرگه بیانات ایمضالادی و بو بیانات وارشاوا کونفرانسینا قاتیلان‌لارا چاتدیریلدی.”

او، همچی‌نین ایران موخالیفتینه منسوب موختلیف قوه‌لرین وارشاوادا کئچیردیگی آکسیا‌لار حاقیندا آمئریکانین سسینه معلومات وئریب: “وارشاوادا اوچ فرق‌لی یئرده آکسیا‌لار اولدو. پولشا تهلوکه‌سیزلیک قوه‌لری شاهچی‌لار، موجاهیدلر و بیز قئیری-فارس‌لاری بیر-بیریمیزدن اوزاقدا توتدولار کی، هر هانسی بیر کونتاکت اولماسین.”

“اولان‌لارا باخاندا، عمومیتله بو نتیجه ده آلینا بیلر کی، آمئریکا بیر طرف‌دن ده قئیری-فارس میللت‌لر و علاوه اولا‌راق ایرانین فارس توپلومونا منسوب اولان موخالیفتی بیرگه چالیشماغا مجبور ائتمک ایستییر،” امیر مردانی علاوه ائدیر.

Əmir Mərdani: 10 qeyri-fars təşkilat Varşavada birgə bəyanat imzalayıb

Əlirza Quluncu

Bu yaxınlarda Varşavada təqribən 60 ölkənin iştirakı ilə Yaxın Şərq üzrə Beynəlxalq Konfransın keçirilməsi ilə bərabər İran müxalifətinə mənsub bəzi qüvvələr də Polşanın paytaxtında toplantılar və mitinqlər təşkil ediblər. Bu toplantıların birinə qatılan türk fəal Əmir Mərdani Amerikanın Səsi ilə söhbətdə baş verənləri şərh edib.

Yaxın Şərq üzrə Beynəlxalq Konfransın hədəflərini dəyərləndirən Əmir Mərdani xüsusilə İran İslam Respublikasına müxalif qüvvələri birləşdirmək hədəfinə diqqət çəkir.

“Ümumiyyətlə, bu konfransın amaclarından biri bu ola bilər ki, Amerika İrana qarşı siyasətini daha ciddi şəkildə yürütmək istiqamətində İranın müxalif qüvvələrini birləşdirmək istəyir,” türk fəal deyir.

Tramp administrasiyası Varşava görüşündə İran məsələsinin gündəmdə olmasını istəyirdi. Lakin təşkilatçılar İsrail-Fələstin münaqişəsi, Suriya və Yəməndə İŞİD-ə qarşı mübarizənin də önəmini irəli sürərək, konfransın gündəliyinə salıb.

Əmir Mərdani İran müxalifətindən üç əsas hərəkata mənsub qüvvələrin Varşavaya səfər etdiyini bildirir:

“İran müxalifətini ümumi qruplara ayırsaq, oraya üç əsas qrup gəlmişdi; Xalqın Mücahidləri, şahçılar, monarxist qüvvələr və qeyri-fars millətlərə mənsub qüvvələr.”

Milli fəalın sözlərinə görə, Varşavada 10 qeyri-fars təşkilat birgə bəyanat imzalayaraq İran İslam Respublikasına qarşı beynəlxalq ittifaqlara dəstək verəcəklərini bildiriblər.

“Biz qeyri-farslar olaraq 12-13 fevralda orada Əhvaz Azadlıq Hərəkatı (ərəb icmasına mənsub siyasi partiya) başçılığında böyük bir toplantı keçirməyi düşünürdük. Düşünülürdü ki, təxminən 100-150 nəfərə yaxın qeyri-fars təşkilatlara mənsub fəallar orada toplansın, və ondan sonra beynəlxalq konfransın keçirildiyi yerdə bir aksiya keçirilsin,” Mərdani qeyd edir.

Lakin onun dediklərinə görə, Polşanın təhlükəsizlik qüvvələri bu tədbirlərin planlaşdırıldığı şəkildə keçirilməsinə icazə verməyiblər: “Həm konfransın keçirildiyi məkanı bağlamağa çalışdılar, həm də, 50-dən artıq qeyri-fars qüvvələrə mənsub fəalları hava limanından geri göndərdilər.”

Əmir Mərdani əlavə edir “amma yenə də böyük cəhdlər oldu və qeyri-fars qüvvələrin toplantısı keçirildi. 10 təşkilat birgə bəyanat imzaladı və bu bəyanat Varşava konfransına qatılanlara çatdırıldı.”

O, həmçinin İran müxalifətinə mənsub müxtəlif qüvvələrin Varşavada keçirdiyi aksiyalar haqqında Amerikanın Səsinə məlumat verib: “Varşavada üç fərqli yerdə aksiyalar oldu. Polşa təhlükəsizlik qüvvələri şahçılar, mücahidlər və biz qeyri-farsları bir-birimizdən uzaqda tutdular ki, hər hansı bir kontakt olmasın.”

Olanlara baxanda, ümumiyyətlə bu nəticə də alına bilər ki, Amerika bir tərəfdən də qeyri-fars millətlər və əlavə olaraq İranın fars toplumuna mənsub olan müxalifəti birgə çalışmağa məcbur etmək istəyir,” Əmir Mərdani əlavə edir.

https://www.amerikaninsesi.org/a/%C9%99mir-m%C9%99rdani-10-qeyri-fars-t%C9%99%C5%9Fkilat-var%C5%9Favada-birg%C9%99-b%C9%99yanat-imzalad%C4%B1lar/4799520.html?fbclid=IwAR2ZCNgcdpHU9nOPmZNSw1MKw7-G2ffLzAhStNo4gNM7cDGRfOzI8V9KCIs

https://www.amerikaninsesi.org/a/4799950.html