هر میلله تین اؤز تورپاغی وار اؤز دیلی واردیر

دیل یاردیمی دیر ائلله رین، ائلده دیله یاردیر

دونیادا آنا دوغما دیلی بیلمه مک عاردیر

چوخداندی قالیب اود وورولان کؤز دیلمیزده

یازماق اوخوماق اولمالیدیر اؤز دیلیمیزده

آزر بالاسی ایللر اوزون تحقیر اولوبدور

کیمسه دانیشیب دیل سؤزونو تکفیر اولوبدور

چوخلار بو دیلی که سمه ک اوچون ال بیر اولوبدور

سانکی چیخاریب مین بیرایکی گؤز دیلیمیزده

یازماق اوخوماق اولمالیدیر اؤز دیلیمیزده

نیسگیلدی بیزیم ائولادیمیز قونچادا سولسون

قوی سئوسین اوشاق دوغما دیلیله یاشا دولسون

ایللردی یاساقلاردا قالان دیل آزاد اولسون

یازسین بو ائلین اؤز بالاسی سؤز دیلیمیزده

یازماق اوخوماق اولمالیدیر اؤز دیلیمیزده

دونیا آنا دیلی گونو موناسیبتیله

رحمتلیک (شهید) اوستاد حسن آزربایجان