ساغلام آغئل
ای ساغلام آغئل هارداسان ! قربانئن اولایدئم
چوخ استَمَرم بیر گِجه مهمانئن اولایدئم
اُو بیر گِجه ده ! دنیا قَدَر ایش گوره بیللَم
قوی او گِجه من صبحه تک تهرانئن اولایدئم
ایراندا گئدن ایشلری گوردوکجه قاچئرسان
نه اولار دایانئب بیر هفته ایرانئن اولایدئم
بس هارداسان ای نادر! هئچ اَللره دوشمَز
یاغمور گَتیر یاندئق ,آخئ لیسانئن اولایدئم
بیر ایل یاغاراق گئجه ,گوندوز ,اورمو گُلونده
سوسئز آدا دا , تشنه او جیرانئن اولایدئم
آی ساغلام آغئل یالوارئرام قوی قادان آللام
دوندور منی ! افشا ایله حیرانئن اولایدئم
قیمت وئره بیلمم دَیَرین چوخ سنین آرتئق
دئپرم قاباغئ گَل , سونرا ویرانئن اولایدئم
سئل گلمَدن اونجه بیله اود دوشمه دن اوّل
تدبیر اولونار یوخسا یانئم یانئن اولایدئم
ای ساغلام آغئل اولکمیزدن کوسمه آماندئ
نه اولار بارئشاق بیر داها نوبارئن اولایدئم
قورخوتدو منی پیس یِئل اَسیر , اِرقئچلئق وار
یئلپک له منی قوی اَسیم طوفانئن اولایدئم
یوز ایلدن آرتئق اولدو , وئریر قتلیمه فرمان
نه اولار کی بیله بیر باشا تورانئن اولایدئم
فرض ایلیک کی قای قئیب ایران بو الله
توز , ترپاق ایله گل سنین غُبارئن اولایدئم
سن سیز بیلرسن ! ایران اولوب بیر باشا ویران
ساغ قلب له گل اوردا جوشان قانئن اولایدئم
یوللار کاپالئ علمه بو گون , دیلده قفللئ
چون فارسجا دَیل بو اِیشه بُحرانئن اولایدئم
بو موللالارئن گوردیو ایشلر بیله تَکدیر
گویا اولولر قلخاجاق , خورتدانئن اولایدئم
ای ساغلام آغئل دنیا بیزی تحریم ادیب دیر
اولدوخ ایزوله , تورشادئق , جورتدانئن اولایدئم
ای ساغلام آغئل من دِمیرم, رقص قداغاندئر
مئرت ورما حرام , او یاساق مئرتدانئن اولایدئم
چیرکلندی چیبان , وئردی اِرین , شیشدی دیکلدی
تیغی گتیر تئز,من سنین چئرتانئن اولایدئم
بیله گورورم پاتلایاجاق , یام یاشیل اولموش
قوی منده سئخئم پاتلاسئن , پارت لئیانئن اولایدئم
اُوضا قارئشئب گجه , گوندوز , مددانئر ملّت
ایزن ور قاتئلئم ملّته , مئرتدانئن اولایدئم
او یئرده کی ملّت یاتاراق قفلته جوممئش
یاتما سن اِشیلباخ بیله جرتدانئن اولایدئم
اِشیلباخ 17/01/2018
