از‌لد‌ن عاشقم من بير گۆل اۆزلو ياره عشق اوْلسون
اوْنون د‌ردي ووروبدور كؤنلومه مين ياره عشق اوْلسون
سازيم عشقمدي خالقيم سئوگيليم روحوم آزربايجان
کسيلسم قوُربان آرزيمدير بو دۆز ايلقاره عشق اوْلسون
و‌طن سئومك گناهديرسا، مني كافر حساب ائتسين
چكيرسه اۆستومه هر كيم قمه قداره عشق اوْلسون
هميشه بؤيله سوسماز آذر ائولادي جوشار هرد‌ن
ائدنده ظلم ائوين ظالم‌لره زيل قاره عشق اوْلسون
دميرچي، عشقه دۆزگون قالمايان آلچاقدان آلچاقدير
بو عشقين يوْللاريندا قوْي قوُرولموش داره عشق اوْلسون
1365
حسن دمیرچی
