چاپ

 

آزادلیغين اوغروندا جان قويان بويوك اينسان

یوردونو آنا بیلیب دئییب

جان آزربایجان

اونو قورخودانمادیر اولوم، ایشگنجه،زیندان

یارالانمیش بوزقورددور،

قفسده کی آسلاندیر

ائلدن آلمیش آدینی حسن آزربایجان دیر.

هر آن ائل قایغي سيندا ،هم

ياسدا هم تويدا دير

گزیب دولانیر ائلی روحو

وطن بویدا دیر

گاه باکیدا دربدده گاه

تبریزده خویدا دیر

اورگی قاراباغ دير،اورمودور همدان دیر

ائلدن آلمیش آدینی حسن آزربایجان دیر .

شعر-صنعت باغچاسیندا گولو

وار خوش قوخویور

ماهنیلار بستله ییر، سوزدن

چلنگ توخویور

آزربایجان عشقینه تارین

چالیر اوخویور

یازاندیر، یاراداندیر،قورقود

کیمی اوزاندیر

ائلدن آلمیش آدینی حسن آزربایجان دیر.

باشیندان اوتوب گئتمیر بوران چووغونو قاری

داغلار كيمي دايانيب

اييلمه ییب ويقاری

دایانیش سیمگه سیدیر،

قورتولوش بایراقداری

زامانین بابکی دیر،نسیمی

دووران دیر

ائلدن آلمیش آدینی حسن آزربایجان دیر.

ائل ایچینده واریدیر

توکنمز اعتباری

اونون آنا یوردودور سئوگیسی، دوستو، یاری

سعادتدیر آرزیسی،

آزادلیقدیر شعاری

گلجه یه اومودلو، قلبی

دولو اینام دیر

ائلدن آلمیش آدینی حسن آزربایجان دیر.

عاشیق جبرئیل خلیلی