سولطان عبدالحمیدین سؤزلرین یاخشی آنلاماق ایچین آرخادا قالمیش گونلره باخمالییق.

                                       ***

بیرینجی بؤلوم:

آزربایجان کئچمیش یوز ایلده

کئچمیشه اؤتری باخدیقدا، اؤزللیکله بیرینجی دونیا ساواشین گؤز اؤنونه آلدیقدا، تاریخین تیکرار اولماغینی آچیقجاسینا گؤره بیلریک.

گئنل اولاراق، باتیدان اینگلیس ایله فرانسه، قوزئیدن روسلار اؤز آماجلاری اوغروندا هیندوستان، اورتادوغو و آفریقانین قوزئیینده آتلارینی چاپدیرماقدایدیلار.

بو آت چاپدیرمانین بیرینجی و ان بؤیوک آماجی ایکی بؤیوک تورک ایپراتورلوقلارینی -قاجار ایله عثمانلی-نی ییخماق ایدی.

قاجار تورک ایمپراتورلوغو

قاجار تورک ایپراتورلوغونو ییخماق دوغرولتوسوندا، ایللر بویو گیزلی ماسونیک سیزما یوروشلری ایله اوزرلرینده ایشله نیلمیش و قاجار ایمپراتورلوغون ایچینه سیزمیش فارس، کورد، ائرمنی و … ماسونلاری، اربابلاری ایله بیرلیکده گیزلی و آچیق اویونلارا باشلامیشدیلار.

بیر یاندان فارس ماسونلاری گیزلی مرکزلردن گلن گؤستریشلر ایله قاجار ایمپراتورلوغونو ایچریسیندن بوشالتماغی باشارا بیلمیشدیلر.

باشقا بیر یاندان، ائرمنی ایله کورد، فرانسه، اینگلیس و روسلارین سیلاحلاری و گؤستریشی ایله بو دورومدان یارارلاناراق آزربایجان توپراقلاریندان اؤزلرینه اؤلکه قورماق آماجی ایله اوشاق، قادین، گنج ایله قوجا دئمه دن سوچسوز اینسانلاری کسیب بیچمه ده ایدیلر.

آزربایجان تورکلرینین سوی قیریمی کورد ایله ائرمنی اللری ایله گؤرونسه بئله، بو سوی قیریمی یاپان و گئرچکدن آرخاسیندا دوران و آرخاسیندا اولان و مرکزی حکومته سیزان و اونو الینه کئچیردن اینگلیس جاسوسلاری اولان فارسلار ایدی.

باشقا سؤزله، اینگلیس یاردیمی ایله مرکزی حکومتین ایچینه سیزمیش فارسلار، قاجار ایمپراتورلوغونون آزربایجانا گله سی؟! گوجو اؤنله مکله، آزربایجان تورکلرینین کورد ایله ائرمنی الی ایله قیرقین اولماغینا یاردیم ائمیشدیلر.

بئله لیکله، کئچمیش یوز ایلین باشلانغیج ایللرینده اینگلیسلیلر فارس الی ایله، فارسلار کورد و ائرمنی الی ایله آزربایجان تورکلرین قوزئی و گونئیده سوی قیریم ائتمیشلر.

قوزئی آزربایجان

قوزئی آزربایجاندا، ائرمنیلر روسلارین یاردیمی ایله ۱۹۱۷-ده ایروان موسلمان تورکلری سوی قیریم ائتدیکدن سونرا، آزربایجان توپراقلاری اوزرینده ائرمنیستانی قورودولار.

ائرمنیلرین باکی-یا گیریشلری عثمانلی ایمپراتورلوغونون یاردیمی ایله ایسلام قافقاز اوردوسو گوجو ایله اؤنلنمیش و قوزئی آزربایجان تورکلری باکی شهرینده سوی قیریمدان قورتولا بیلمیشدیلر.

قوزئی آزربایجاندا تورکلری قیرماقلا ائرمنیستانلاشما بیتمدی. بو سورج کومونیست شوروی چاغیندادا یومشاق بیچیمده قوزئی آزربایجاندا دوام ائتمیشدیر. بئله کی، ۱۹۸۹-دا فارس ایله روسون یاردیمی ایله قاراباغ ایشغال اولونموش و آزربایجان تورکلری سوی قیریم ائدیلمیشدیر.

گونئی آزربایجان

عثمانلی تورک اوردوسو گونئی آزربایجانا گلمسی ایله اینگلیس، فارس،کورد ایله ائرمنی جینایتلرینین قاباغی آلینا بیلمیش و آزربایجان کوردیستان و یا ائرمنیستان اولابیلمکدن اؤزگور بوراخیلمیشدیر.

آنجاق کسروی-نین«تاریخ هیجده ساله آزربایجان» کیتابیندا یازدیغینا گؤره ۱۵۰،۰۰۰ مین نفر و دولت آدامی اولان معتمدالوزاره -نین «اورمیه در محاربه عالم سوز» کیتابیندا توپلانان وئریلره گؤره اورمو شهرینین یاریسی ۳۰۰،۰۰۰ مین نفر اینگیلیس، فارس، کورد ایله ائرمنی جنایتلریندن دولایی شهید اولموشلار.

تورکلری بؤلگه دن سیلیب یوخ ائتمک پیلانی، گونئی آزربایجان اوجوندا کوردلشمک سورجی اوزریندن گئتمک ده ایدی و گئتمکده دیر.

پهلوی رئژیمین وئریلرینه گؤره ۳۰۰ مین کورد باتی آزربایجانا یئرلشمیش. بو کوردلشمه نین آردیندا، سؤزده ایسلام رئژیمی ۱۳۷۰-دن۱۳۸۰-دک ۶۰۰ مین کورد باتی آزربایجانا یئرلشدیرمیش و هله ده بو سورجین آردی وار.

سؤزده شیعه ایسلام رئژیمیمنین سیاستی اؤز دئدیکلرینه گؤره باتی آزربایجاندا پان تورکیسمین قاباغین آلماق آدینا سوننی کوردلری آزربایجانا دولدورماقلا دنگه قورماق ایسته ییرلر.

فارسچیلیق شیعه ایسلام رئژیمیمنین سیاستی آزربایجان شیعه تورکلرینه اینانمادیقلارینا گؤره، سون ایللرده ان قورخونج آددیمی باتی آزربایجاندا گؤتورموشدور.

بئله کی باتی آزربایجاندان، مجلیسه کورد چیخارماسی، اونون آردیندان باتی آزربایجانا کورد والیسی قویماسی و اونون آردیندان باتی آزربایجان اوستانینین شورای تامینینه کوردلرین یئرلشمه گئرچکلشمیشدیر.

                                           ***

ایکینجی بؤلوم:

سولطان عبدالحمید و آزربایجان

سولطان عبدالحمید آزربایجان تورکلرینین زینال العابدین افندینین گلمه سینی بیلدیکده، آزربایجان تورکلرینه شیعه می سن؟ یوخسا سوننی دییه سؤزلرینی باشلامیر، بلکه جان قارداشلاریمیز دییه، سؤزلرینی باشلاییر.

آزربایجانلی لار تورکجه قورآنی سولطان عبدالحمیده سوندوقدا، سیز ایسلام ایچین گئجه نیزی گوندونوزه قاتیرسینیز دییه، سولطان عبدالحمید-دن سؤز ائدیرلر.

سولطان عبدالحمید باکیداکی قارداشلاریمیز نئجه دیلر سوردوقدا، سیزین ایچین دوعا ائدیرلر، ده یرینیزی بیلیرلر، سیزی مظلوملارین آرخاسی بیلیرلر یانیتین آلیر.

آزربایجانلی دوام ائدیر: چار ایمپرانورلوغو نفت ایچین باکیدادیر. آنجاق بو توپراقلار تورک توپراغیدیر. آزربایجان و آنادولو خلقلری -تورکلری- بیر انانین ایکی اوغلودور. باکیدا گؤزلر عثمانلینی آختاریر.

سولطان عبدالحمید یانیت وئریر: بو گون اوزولرک باکی یا گلمه یه گوجوموز یئتیشمیر. آنجاق یارین میللتلر قووشاجاقدیر.

آزربایجانلی دوام ائدیر: بیز هله یاخشی ییق، انجاق ایراندا اولان قارداشلاریمیز مظلومدور.

سولطان عبدالحمید یانیت وئریر:خبرلرین آلیریق. ایراندا یاشایان قارداشلاریمیز سیخینتیدادیلار.

ایران سفیریمیز بو موضوع ایله علاقه دار اولویور.

آزربایجانلی دوام ائدیر: ایراندا بیر والی وار تورکلره ظولم ائدیر، هارادا بیر تورک گؤرورسه دوشمن کیمین اوستونه هجوم چکیر. قازئت چیخارماقلاری قاداغان، سیاستله اوغراشمالاری یاساقدیر.

سولطان عبدالحمید سئرییالین آیری بیر بؤلومونده بئله دیییر: آزربایجان بیزیم کؤنلوموزده توتر. تبریز، اورمیه، سالماس و… تورک شهریدیر. بیز بو توپراقلاری هر زامان ایستریز… گون گلجک تبریزده تورک بایراغی آچیلاجاق.

                                         ***

اوچونجو بؤلوم

بیرینجی و ایکینجی بؤلومون سونوجو

بیر اینجی بؤلوم ایله ایکینجی نی یان-یانا قویدوقدا، اولایلار اوزریندن-سولطان عبدالحمید چاغیندان ایندی یه دک- یوز ایل کئچمسینه باخمایاراق، دوروم دییشمه میشدیر، قارداش، قارداشدیر و دوشمن، دوشمنلیگیندن ال چکمه میشدیر.

فارسلار باتی اؤلکه لرین گؤستریشی ایله قوزئی آزربایجان و تورکیه ده فارس شیعه چیلیگین آپارماقلا، آزربایجان ایله آنادولو تورک لرین بیر -بیری ایله قارشی-قارشی-یا قویماغا چالیشماقدادیر، ائرمنی یه آزربایجان و تورکیه قارشیسیندا یاردیم ائتمک ده دیر. پ ک ک ایله پژاک-ین دوزلمه سی ایله بوی آتماسیندا باتیلیلارلا اورتاق یورومکده دیر، گونئی آزربایجانی باتی اؤلکه لرین سیاستلری دوغرولتوسوندا کوردلشدیرمکده دیر، گونئی آزربایجاندا تورکلرین مادی و معنوی وارلیغینا تجاووز ائدیب، اونو یوخ ائتمکده دیر و

                                   ***

دؤردونجو بؤلوم

تورکیه و آزربایجان

تورکیه، قوزئی آزربایجان اؤز باغییمسیزلیغین الده ائتدیکدن سونرا، تورکیه هر زامان سیاسی و ایقتیصادی و نیظامی اولاراق اونلارا آرخا دوروب، یانیندا اولموشدور و بوگونده ده قوزئی آزربایجانین یانیندالار.

گؤنئی آزربایجانا گلدیکده، تورکیه اؤز مئدیا گوجو ایله دولایی یوللارلا گونئی آزربایجان تورکلرینین میللی اویانیشیندا بؤیوک پای آلمیشدیر. آنجاق سیاسی باخیمدان، ان آزی سیاسیلرین بکلنتیلرینی یانیتلامامیشدیر.

تورکیه نین گونئی آزربایجان سیاسیلرینه و سیاسی تشکیلاتلارینا یاردیم ائتمه مه سی، تورکیه نین دونیادا و اورتا دوغودا اولدوغو یئرینی، گوجونو و کیملرین حاکیمییتده اولماقلارینی گؤز اؤنونه آلیب، یالنیز تورکیه نی سوچلاماق یوخ، بلکه گونئی آزربایجان تشکیلاتلاری اؤزلرینه ده باخمالی و اؤزلرینه ده ائلئشتیری ائتمه لیلر.

کئچمیش یوز ایلده تورکیه ده، تورک میللتینین ساده یورتداشی و بعضی پارتیلار-میللتچی حرکت پارتیسی ایله بؤیوک بیرلیک پارتیسی- گونئی آزربایجان قونوسو ایله ایلگیلنسه لر بئله، هئچ زامان حاکیمییتی بوتؤلوکله الده ائتمه دیکلرینه گؤره، گونئی آزربایجان ایچین بیر سیرا ایشلر گؤرسه لر بئله، ائتگیلی بیر ایش گؤره بیلمه میشلر.

تورکیه نین باشقا پارتیلاریدا اؤزللیکله سول پارتیلاری گونئی آزربایجان قونوسونا ایدئولوژیک باخاراق، گونئی آزربایجان میللی حرکتینه هله ده باتی ایپئریالیسمینین بیر اویوجاغی کیمی باخماقدالار!!!

تورکیه نین مذهبی پارتیلارینا باخدیقدا، آزربایجان تورکلرینی فارسچیلیق شیعه سینین اوزانتیلاری گؤرمکده لر.

تورکیه ده عثمانلی ایمپراتورلوغوندان سونرا، حاکیمییته گلن ان یؤیوک مذهبی پارتی آک پارتی اولموشدور. بو پارتی چئشیدلی مذهبی و میللی قانادلاردان قورولموشدور.

اؤرنک اولاراق،تمموزون اون-بئشیندن اؤنجه کی آک پارتیدا ایران اوزره اوزمانلارین چوخوسو فتح الله گولن تئرور شبکه سینه باغلی اولان قاناد ایدی.بونلار -گونئی آزربایجان بیر یاندا قالسین- تورکیه نین ایچینده بئله تورکلویه یاساق گتیرنلر ایدیلر.

گونئی آزربایجان میللی حرکتی تورک میللتچیلیگینی اؤنه قویدوغو ایچین فتح الله گولن تئرور شبکه سی هر زامان گونئی آزربایجان میللی حرکتی گؤزدن سالمیش و اونا قارشی ایدی.

آنجاق تمموزون اون-بئشیندن سونرا، فتح الله گولن تئرور شبکه سینین آداملارینین بیر چوخوسو آک پارتیدان سیلیندیکدن سونرا و ان سونوندا جومهور ایتتیفاقی-آک پ، میللتچی حرکت پارتیسی و بؤیوک بیرلیک پارتیسی قورولدودان سونرا، تورکیه ده گونئی آزربایجانین میللی حرکتینه یئنی باخینجا آچیلا بیلمیش گؤرونور.

                                     ***

بئشینجی بؤلوم:

اورتا دوغو، تورکیه و آزربایجان

بو گون تورکیه نین دورومون دونیادا و اورتا دوغودا و اونون اوزرینده اولان چئشیدلی باسقیلاری-باتی دونیاسی، روسلار، عربلرین بیر بؤلومو و اینگلیس جاسوسلاری اولان فارسلاری- گؤز اؤنونه آلدیقدا، تورکیه نین هانسی اورتامدا اولدوغونو، گونئی آزربایجانین هانسی دورومدا اولدوغونو، گونئی آزربایجانین نه قدر تورکیه یه ایستئراتئژیک بیر جوغرافی بؤلکه اولدوغونو، تورکیه نین نه قدر گونئی آزربایجان تورکلرینه احتیاج دویدوغونو و ترسه سینی آچیقجاسینا گؤره بیلریک.

کیمسه اوچونجو دونیا ساواشینین باشلاماغینی اتم بومباسی آتیلماسی ایله گؤزله مه سین .

بو گون آرتیق اوچونجو دونیا ساواشینین آیچینده ایک. عراغین، سوریه نین، یمن-ین و … بوتون اولاراق اورتا دوغونون دورومو گؤزلر اؤنونده دیر. تورکیه، روس، آمریکا، فرانسه، چین و گؤزه گؤرونمه ین اینگیلیسین اوزانتیلاری- فارس- سوریه ده لر. برجام جیریلمیش و بؤلگه ده و ایراندا هر آن یئنی بیر اولای باش وئره بیلر. بو گون اورتا دوغو یئنی خریطه لر اوزه ریندن بؤلونوب پایلاشیلماق دوغوشوندادیر.

بو ساواشین آزربایجان اوجو حئیران گدیگی، اومو گؤلونون قورودولماسی و باتی آزربایجانین کوردلشمه سینین هیزلانماسی ایله و … چوخدان باشلامیشدیر.

بو گون یوز ایل بوندان اؤنجه کی فارس ماسونلاری -شاهچیسی، ماللاسی،موجاهیدی سولو ایله ساغی- و اونونلارین سؤزده تورک اوزانتیلاری – اینگلیس ماللالاری ایله اوزده ماسکالارین ده دییشمیش و آرخادا موسکویا تاپینان سولجولار- بوتون گوجلری ایله ایش باشیندالار.

بیز تورکلر نئجه؟؟؟

سون سؤز:

هانسی گوج، هانسی اؤلکه و هانسی عغیللی باش قیرخ میلیون پتانسیله گؤز یوما بیلر؟ تورکیه بو گون آچیقجاسینا«پایتخت عبدالحمید» سئر ییالیندان اؤز سؤزون آزربایجانا دئمیشدیر.

بو گون ایچریده کی اینسانیمیزین اللری تئتیکده اولماقلا، دیشاریدا اولان تشکیلاتلار لابیچیلیگی تورکیه دن باشلامالی دئییلر می؟

http://www.haray.net/?p=4171