عمل سیز بیلگین(عالم) بال سیز آری یا بنزر.

هامی میللتلرین اؤزگولوک اؤزللیکلری واردیر.بو اؤزللیکلر بوتون میللتلرین خزینه لریدیر، قیرمیزی جیزیغلاریدیر. تورک میللتینین بیر خزینه سی و کیملیگی دیل دیر. بیزیم کیملیگیمیز و دیلیمیز بیزیم قیرمیزی جیزیغیمیزدیر.

دیلدن سوُز آچاندا بیر بوُیوک سورو یارانیر. دیلی اولانین وطنی ده اولار.

وطن هارادیر؟

آمما وطنی بیلگله مه ده اؤنجه لیکده دیل بیلگه لنیر. دیل میللتلرین بیرلیک سببلریدیر. دیل آنالاردان قالمیش ناغیل لاردی، آنالارین نیسگیلی و اوزونتو لای لای لاری و هدییه لریدیر. بو هدییه لرین اوستونده آلیش و وئرشی لیک اولابیلمز

تورک میللتلری بوتون اینسانلاری سئون بیر میللت دیلر، ایناملی و باریش سئون بیر میللت دیلر، آمما بو اؤزگوللوک سبب اولابیلمز قیرمیزی جیزیغلاردان واز کئچسینلر. بیز هاممی اینسانلارا (قارایا، آغا، ساری یا)اوُنم و دگر وئرن و اونلارین اینسانیق حاقلارین اوزوموز کیمی برابر دوشونن اینسانیق.خنجر و شمشیرلریمیزی اوستن باغلامامیشیق.دلیلسیز دونیادا مئیدان اوخومامیشیق، بیزیم اورگیمیزین توکسوز و آینا کیمی اولمالیغی بیر اورنک دی. بو سببدندیر کی کئچل حمزه کیمی آدام کوراوغلوموزی آلدادیر و اونون قرآتین اوغورلویور.

دوشمان، دوشمان دیر، اونون و بیزیم یول آیدین و بللیدیر. اونلارلا بیزیم نئجه اولماغیمیزی هامملاردا بیلیرلر. من اونلارلا بوردا هئچ سؤزوم یوخدور، اونلارلا قونوشمورام.

آمما بوگونلر، او چیلپاق دوشمان گؤرونور بیزیم کیملیگیمیزی اوخوناقسیز ائتمک اوچون چوخلو فیریلداقلار قورور. بو کلک و حیله لری اوز ایچیمیزده اولان و یاشایان آداملار الینده یئره یئتردیر.بو آرادا دئمک اولار بیزیم بیر سیرا یازیچیلار، یازیلارینین اؤلچولوگونه فخر ائدیرلر، باشلارین ککلیک کیمی قارا باسیبلار . بو سیرا آد چیخارتمیش مثلاً یازیچی لارا  اؤنملی دئییل اطرافلاریندا نه خبردی!گؤرورلر و بیلیرلرکیملر دیلیمیزی و کیملیگیمیزی ناسیل آماج توتوبلار، اوز چوندریب واز کئچیرلر! بیله و بیلمییه دوشمانلارلا یول بیر اولوبلار ایندی سؤز بو آدملاردادیر، بو یازیچیلاردادیر.من بونلارا ساتقین، خائن و ... دئمیرم، منجه بونلار دوشونمز بیر اینسان دیلار،خورجون، خورجون یازیلاری و کیتابلاری اولسادا بونلار قانماز آدام دیلار. اوز بئگینلریندن چیخدیغی سوُزلره اینام لاری یوخدور، دئمک اولار بو یولدان گوُوشه مکده دیلر، یوکو آغیر یولدان کئچن ... چوخ آولار.

تاریخ ده، بیزیم و سانکی میللتلرده چوخوگؤرونوب یازیچیلار، شاعیرلر، تنقیدچی لر ... موباریزه لرین بایراقچی سیدیلار،بیزیم موباریز و اسکی میللتیمیزده ده بوجوردور، نسیمی کیمین شاعیریمیز ظالیملرین الینده دیری دیری دوغرانیر، سانکی یئرلرده ده ویکتور خارا بو درده دوشور. اورداکی سئنزورا(سانسور)باشقا دوولتلر طرفیندن قیلنج کیمی کسیر و بیچیر، اورداکی کیتاب لار اودلاردا الوولانیر، اورداکی زیندان آغیز آچیب دیله گله نی سومورور، گؤرونور بیزیم دوشونجه لی شاعیر و یازیچیلار بو قورخولو حرکتلرین قارشیسیندا بایراقچیدیلار. بللی اولور شاعیر و یازیچی گرک موباریز اولسون، حرکتلی اولسون، شاعیر و یازیچی گرک ایندی اوز خالقیلا یول بیر اولسون، ایسارتده قالمیش خالقلارین اولدوزلاری اولسون اولماز جان قورخوسو یازیچی نی و شاعیری  میللتیندن آیری سالسین، الینه قلم آلان اولماز قیچین قیچینین اوسته سالیب گؤزونو هر اؤلدو قالدیا باغلاسین.بیزیم موباریز یازیچی، موعللیم و شهیدیمیز "صمد بهرنکی" دئمیشکن: "اؤنملی دئییل اؤلوم ایله برابر اولام ، اؤنملی بودور کی منیم حایاطیم و اؤلوموم سانکی اینسانلارین زندگانلیغیندا ائتگیلیگی ندیر".

بیزیم بیرجه دیلیمیز تورک دئییل، بیز تورک میللتییک. دیلی تورک "آذری" بیزه دیینلر قانماز دوشمان دیلار. بونلار اوزوموزه قیلینج چکنلردن،  پیسدیلر.قورخورموز گرک بونلاردان اولسون. ائرمنی، روس، شووینسیم بیزیم اسکی دوشمنلریمیزدیلر، آمما ایندی اونلارین شکیلی و قورولوشلاری دونوبدور. اونلار بیزیم اوز جیلدیمیزه گیریببلر. بیزیم اوز سوفرامیزین باشیندا اوتوروبلار.او یازیچیلار کی باشقلارین توخونج و ایهانتلرینین قنشرینده، قاباغیندا سوکوت توتوبلار و اوزلریده قزئتلرده، گونده لیکلرده ، میللتین آغزیندان چیخان بوغونتو سسلری"هارای هارای من تورکم"ی ائشیتمیللر و کار اولوبلار، "آذری" ،"آذری" یازیرلار اونلار او دئدیگیم دگیشیلمیش آداملاردیلار. ایندی بیزیم کیملیک دوشمانلاریمیز بونلاردی.

دئدیگیم کیمین، بیزیم بیرجه دیلیمیز تورک دئییل، بیز تورککوک، بونلارین فرقی چوخدور،دیل آداملار آراسیندا آسیلیق و ایلیشیک یول دور. دیله باغلی یازیلار پوزولار بیر مدنی ایستکدی، آمما تورکلوک بیر وارلیق دی، کیملیک دی، تاریخ دی، آتالارین، آنالارین کئچمیشیدی. بونو اولماز اینسان باغیشلاسین، بو باغیشلیق اینسانلارین عؤهده سینده دئییل

#ماحموددالغا