بیر شام یاندئراق بیز ، 21آذره

إشئغئن سالا اوُ یاشئل خَزَره 

او شانلئ کئچمئشی بیرده نظره  

سالا سایقئلئیا او عزیز گوُنوُ

پارچا پارچا غرورومون بوُتوُنوُ

هر کسه گوُرودی بیر شام یاندئرسئن

إشئق ، اَلوو ایله ، او گوُنوُ آنسئن

شهید گوُنوُن رسمیّته تانئسئن

گلین شهید گوُنوُن بیز بوُیوُک یازاق

اَبدی قَبر اونا ،کوُنوُلده قازاق    

تَکجه شام یاندئراق اونون آدئنا

بیر دَقیقه سکوتلا شهید یادئنا

قانئنا بَلَشَن آل بایراغئنا

باش اَیَک ، دیز وراق اِطاعت کمی

بیر توُرَن ایلیک عِبادت کمی

بیر شام یاندئراق بیز آخشامئن آیدئن

او شاملا شهیدین مین آدئن سایدئن

وارماق اولارسا اگر شهیدله واردئن

گلین یاد اِیلیک او وارلئغئمئزئ

قورویوب ساخلایاق اولغارلئغئمئزئ

بیرلیک گونودور شام یاندئراق بیز

هارای ور هارایا ، هارایلین سیز

قُربان اولساقدا بیز ، اولاق ایکیمیز

من سنه سن منه آذربایجانا

توپراغئندان آخان او قئزل قانا

  بیر شام شاَنلییمیز بیرسی کدر

بیریسی طالحدیر، قضادئر، قَدَر

بیریسی آغرئمئز ، بیریسی ظَفر

یاندئرئن شاملارئ شأنلییمیزه

حَرارت وِرَجک اِرادَمیزه

بیر شام سرّمیزدیر، بیریسی گِیزدیر

بو شام او کئچمیشدن نشاندئر ، اِیزدیر

بو شامئن ِاشئغئ طلسمیمیزدیر

بیر شام یاندئراغئن ِایستیمیزه

آلوولو سوُز قویاق سْفنگمیزه

یاندئراندا شامئ هارای آی هارای

سسله ای یاتانلار سرسم بیر دور آی

یارانسئن دیوانلا ، عدالت سرای

توپلاناق بیز سئرا فرقَه میز سایاق

سن منه من سنه اولاق تام دایاق

دوکاندا ، بازاردا ، ایش یئرلرینده

اوُولرله ، مسجده ، دونگه لرینده

میداندا ،کوُچه ده ،گَل گِئت یئرینده

یاندراق شاملارئ صُلحون آدئنا

بیر دَقیقه سوساق بیز شهید یادئنا

من شامئ گُول ایله قوشالاشدئراجاغام

اشغئ عَطر ایله قارئشدِئراجاغام

کدری سئوگی ایله بارئشدئراجاغام

قویاق یانا یانا شام گُولون یانئنا

اود سالا ِاشغئ دُشمن جانئنا

هارداسان ؟ شهیده خائن دیرلر

قاتیللر امام تک پالتار گیرلر

صُلحون اوردوسونو تَحقیر ِادیرلر

بلسینلر گلیریک شام اَلیمیزده

صُلحون نَغمَسیدیر گوُر دیلیمیزده

گلین ییهَ دوراق شهیدلریمیزه

خائن ِدئمسینلر ِاییتلریمیزه

آرتئق تحقیر یتر ،21آذریمیزه

شامئ یاندراق بیز ، شهیده گوره

صاحابلاناراق بیز ، اولسون بیر تُوره

اُفُورمهَ شامئ سن ، او سُکوتدا جار 

چَکسین یانایانا وِرسین نور نُوبار

سیلینسین قَلبیندن او پاسلئ غُبار

سیل غُباری گلَجَک بیزمکیدیر

وطنله عشق بیرلشمیش بیر اِیکیدیر

اِشیلباخ    03.12.2009