أجدادیمیزدان ، آنالاریمیزین سوُدوُدوُ ایلۀ بیزیم دامارلاریمیزدا آخان قانیمیزلا قاریشیب بوُتوُولئشن آذربایجان توُرک دیلی میللتیمیزین أن یوُکسئک مقامدا اوُلان میللی ثروُتیمیز ؤسارسیلماز ، دئیشمز سیلاحیمیز دیر.

آنا دیلیمیزدۀ دوُزگوُن دانیشماق ؤ یازماق ، دیلیمیزین اینجۀ لیکلرین ؤ گوُزللیکلرین آردیجیل گئلن یئنی نئسلیمیزۀ تانیید دیرماق ألبتۀ کی اوُزوُن آذربایجان توُرکوُ بیلن ؤ اوُنا فخرائدن بیزلرین میللی ؤشرف بوُرجوُموُزدور، بیزبیلیریک کی دوُنیامیزدا چئشیدلی شیوُلرلۀ دانیشان توُرک دیللی میللت لروار. بوُنا گوُرۀ دۀ بیز بوُ وارلیقا بیز فخر اتمئکلۀ یاناشی ، آمما اوُزآنا دیلیمیز اوُلان آذربایجان توُرک دیلین اوُلدوُقوُکیمی دانیشیب یازمالییق .

تأسوُفلۀ بعضی لری دۀ وارکی اوُزلرین چوُخ آتشین آذربایجانلی بیلدیکلری حالدا ، آمما هئرهانسی کوُتلوی مئدیالاردا ، یا مقالۀ لریندۀ بیرئکدن یا بیلمییۀ رئکدن توُرکییۀ دیلینین لغت لری ایلۀ قاریشدیرماقلا آذربایجن توُرکجۀ سینۀ ضربۀ لر وُورماقدا دیرلار. بوُ اوُ معنادا دئییرکی بیز آذربایجان توُرکلری توُرکییۀ دیلینۀ قارشییق !

عکسینۀ اوُلاراق بیز توُرکییۀ دیلینۀ ؤ اوُنوُن دانیشیق شیؤۀ لرینۀ بوُتوُن وارلیقیمیزلا سوُن درجۀ دۀ حوُرمت ؤ احترامی میزوار، آمما هئر میللت اوُز آنادیلین دوُزگوُن ، آیدین، اوُز آهنگی ایلۀ دانیشیب یازمالی دیر، أگربئلۀ اوُلماسا چالادان چیخیب ، قوُیویا دوُشۀ بیلریک .

توُرکییۀ مطبوعاتیندا ؤ چئشیدلی سایت لاریندا ، رادیوُ ، تلویزیوُن ؤ سایرۀ عمومی ایفورماسیالاریندا حتی بیر کلمۀ دۀ آذربایجان توُرکجۀ سیندۀ یازی ، مقالۀ ، تحلیل ؤ سایرۀ لری گوُرمئگ اوُلماز، باخمییاراق کی بیز آذربایجان توُرکلری توُرکییۀ شیؤۀ سی ایلۀ اوُیازیلارن بوُتوُن مطلب لری بیر آز چئتینلیک چئکسئک دۀ ، آمما اوُخوُیوُب ، ائشیدیب درک ائدۀ بیلیریک ، بوُنوُندا سببی دیلیمیزین کوُکوُنوُن بیر قایناقدان اوُلماسی دیر، آمما بوُنا باخمییاراق بیر تورکییۀ لی قارداشیمیز بیزیم « لاتین آلفابتی» ایلۀ یازدیقیمیزی اوُخوُماقدان ؤ یا دانیشدیقیمیزی ائشیددیکدۀ ، اوُنوُ درک اتمئکدن بعضن عاجیز قالیرلار!

بیزۀ جاواب وئرمئگ ایستۀ دیکدۀ ، آذربایجان توُرکجۀ سینین دیل شیؤۀ سی ایلۀ یوُخ ، توُرکییۀ شیؤۀ سی ایلۀ جاواب وئریرلر! آخی نییۀ ؟

آرزوُ ائدیرۀ م آذربایجان قلم صاحیب لری یازدیقلاری هئرهانسی مطلب لردۀ آنا دیلیمیزین دانیشیق ؤ یازی شیؤۀ لریندۀ اوُلان آذربایجان توُرکجۀ سینین زنگین گرامرلرین نظردۀ آلیب یازسینلار، بئلۀ لیکلۀ اوُز دیلیمیزین گوُجوُن ، ظرافتین ، وارلیقین داها آرتیق تانیدا بیلریک . آذرخش . 19 /11 / 2017