پاییزین بیر سویوق غملی گونون ده

اولکمه ده  حزین لی قارا یِل اَس دی

های قوپدی اِئل ایچره او قارا یِل دن

سوروشدوم آی بالا اِئل ده نه سس دی

فلکین قیلینجی یئنه نه کًسدی

اِ شیددیم ائلیمین امانی گئتدی

یازیمین یئتیشر زامانی گئتدی

اِشیدمک کیریدیم ، دایاندیم اویدوم

اورگی سیخینتی ، گیزیلتی توتدو

اوزومی  بو وای دان بیر آن اونوددوم

بیلمه دیم آغلییام ، گولم ، نئیلییم

فلکین اولمییا مزاحی توتدو

آی بالا نه هایدی ، نه سس دی اِئلده

بویلاندیم  کئچن لن  بیرده سوروشدیم

ایسته دیم اِ شیدم یوخ یالاندی بو

کوچمگه آی قارداش نه زاماندی بو

یئنه ده سس گلدی امانی گئتدی

یازیمین یئتیشر زامانی گنئتدی

وای خبراولکه نی ، اِئلی بورودو

اورگه بیر حزین غصه یورودو

بیر قوچاق مین لره قوشولدو گئتدی

دییسَن بیر اوچاق قوش اولدو گئتدی

نیسگیللی آیریلیق اورک داغلادی

بولود لار گویلرده دویون باغلادی

امانی کوچنده گویده آغلادی

قوچاقیم یول قویدو اِئلینده گئتدی

قورتولوش نغمه سی دیلینده گئتدی

آغلاریول داشلاری یولا سالاندا

قالارقی یولوینان ایلقار باغلادی

دییسن بولوت دا یاس توتوب اونا

امانی کوچنده گوی ده آغلادی

خیرداجا اوغولو آراز آغلادی

آرازلا آغلاشدی ائِل ده آغلادی

****************

یولداشلار یولوموز قیرمیزی یولدو

بو یولو لاله لر بَزه دی ، سولدو

بابک دن ، نبی دن ، بوشالدی ، دولدو

امانی اولنده یوزو دوغولدو

یولداشلار ، یولوموز گِدرلی یولدو

اولدوزلو ، گونشلی ، ایشقلی یولدو

( ا.و « دومان » 4/8/87 )