سئوه بیلمه دیم،
سنی من ندن؟
سنه سئوگیلی دیلیم اولمادی!
بو یانیق اورکین جوشان سؤزلرین
سنه سؤیلیین دیلیم اولمادی.
نئجه سؤیلییم بو موحبتی؟
نئجه قاندیریم بو سخاوتی؟
بیر- ایکی، نئچه قارا سؤزایله
یادلارین دیلینده،
سئومیرم گؤزل!
اوزومون سئوملی،
گؤزل دیلیمده
سئویرم من سنی،
دلی لر کیمی.
آچیلیب دومان بو باغ اوستونه
گل چیخاق یئنی دن بیر داغ اوستونه
دانیشاق،گوروشک،
"کوراوغلو" دیلین
یاندیران،کسررن،
اودا،بیچاغا
گوسدرک،قاندیراق،
بابکین دیلین.
"گوی خزر" کیمیندیر،
دالغالی دیلیم
قوی آشسین داغلاری
اوجالسین سسیم
سن منیم کؤنلومون،
شاه داماریسان
آنامین ایلک وئرن،
یادیگاریسان.
دورموشام داغ کیمین،
آرخامدا دیلیم،
قوی دوشسون دیللره
مین"قاچاق نبی"
"هاجر"ی اوزوندن چوخ قوچاق نبی.
