آذربایجان میللی حرکت ین بیر دنیزه بنزه تسک کیمسه سی یاخجی اوزه بیلمه سه دوغال اولاراق سودا بوغولارکن دنیزدن قیراغا آتیلمالی دیر. یاخجی اوزوجو اولماغا نئچه فاکت لار گره کیر. بو یازی دا بیر سیرالارین بؤلومله یه رک یئتیریریک:

- سئوگی :

فاکت لارین ان باشیندا ایله شن و دئمک اولار قیزیل آچاری " سئوگی " دیر . سئوگی ایکی یؤن له انسان لار وریندن اؤنه سورودولور. بیر یؤنونده اگر سئوگی نی بیر شخص اوچون نظرده آلساق، شخص باشقا شخصی صیرف اؤز تملک نده اولماق اوچون سئویر. آنجاق سئوگی آنلامینا ان دوغرو یؤن ده (ایکینجی یؤن) شخص باشقا شخصی حتی اؤزوندن اوزاق اولموش اولسادا (اؤز تملک ندن اوزاق) یالنیز اونون سعادتینی آرزی ائدیر . ان دوغرو و گئرچک وطن سئوگی سی ده میللی فعال وریندن یاخاریدا دئدیگیمیز ایکینجی یؤنده یئرله شمه لی دیر. یانی سئوگی سی یالنیز وطن ینین سعادتینده محدود لاشمالی دیر . و بوتون امک لری حتی اؤز آدی اولماسادا وطنی اوچون حصر اولوندوغوندا معنا تاپمالی دیر.

ناظم حکمت دئمیشکن :

" بایراق لاری بایراق ائدن اوستونده کی قاندیر

توپراق اوغروندا اؤلن وارسا وطن دیر "

آنجاق بو آرادا بیرینجی یؤنده انسان لار (لمپن) سیرالانیر کی آدینین چکیلیب و دئییلمه سی یوخاری قاتدا ایله شیب و شخصی منفعت لر اوزه ره آتدیم گؤتوروللر.

- اخلاق:

باشقا اؤزه للیک "اخلاق" دیر . هر بیر میللی فعال اخلاق دایره سینین بوتون ساحه لریندن (صداقت ، دوزلوک و....) اوزاقلانمایاراق اؤزونو قورویوب و صاف ساخلامالی دیر. اؤزه للیک له جنسیتی گؤروشلری تام اخلاق مدار اولمالی دیر. بیر میللی فعال ین گؤروشونده بوتون انسان لارین ناموسو اؤز ناموسو کیمی یئر آلمالی دیر. نییه کی گر بیری سی آدینی میللی فعال قویاراق توپلومون ناموسو اونون الیندن امنیت ده یاشامایا مطلق توپراغینین سعادتی اوغروندا ساواش آپارماقدان دانیشا بیله نمز.

- تجروبه لی انسان لارنان گؤروش :

تام دوغال اولاراق انسان ین عؤمرو آز اولدوغونا رغما پئسوکولوژی بیلیمی آچیقلاماسینادا دایاناراق دئمک اولار هر نه یی انسان قادیر دئییل اؤزو چؤزومله ییب و تجروبه الده ائده. بو حالدا آغلا سیغیجی آددیم، تجروبه لی انسان لارنان گؤروشوب و اونلارین تجروبه لریندن فایدالانماقدیر. میللی حرکت ین فعاللاری باشقا قونولاردک بو تورلو داورانمالاردان اوزاق دورمامالی و تجربه لی انسان لارنان گؤروشوب فایدالانمالی دیرلار. آنجاق بو گؤروش لر یالنیزجا تجربه لی لرنن بیلیم لنمک ساحه سینده اولاراق شخصیت گرایی مریض لیگینه دوشمه مک له باش وئرمه لی دیر.

- گوندم مسئله لری ایزله مک :

یئتری قدر هر بیر میللی فعال یاشادیغی توپلومون و دونیادا ایلگی لی باش وئره ن سیاسی-اجتماعی اولایلاری ایزله ییب و درینله مه لی دیر. سونوجدا بو درین له مک له هر بیر میللی فعال اولایلاری یان-یانا قویماق قابلیت ینه گلیب چاتاراق چیخیش یوللارین تاپا بیلمکله اؤن گؤروش لر سیراسیندا یئرله شه بیله جک.

- بیلیم سل لنمک:

کلاسیک و رسمی بیلیم سل لنمک بیر اومورقا (ستون فقرات) کیمی هر بیر میللی فعالی، موباریزه نین بوروشوق یول لاریندا ساپورت ائده رک دوز ایله ایری اورتاسیندا چؤزومله مگه قادیر ائده بیله جک دیر.

- برنامه لی اولماق

هر بیر میللی فعال اؤز روحیه سی نن باغلی فعالیت مدلی سئچه رک او قونودا برنامه لی اولمالی دیر. او برنامه شخصین ارداه سی و ... اؤزه للیک لرینه دایاناراق گونو – گوندن گلیشدیریب و حتی دئمک اولار اوزمان لاشدیرا بیلر.

سون :

یوخاریداکی بؤلوملره باشقا اؤزه للیک لر آرتیرماق اولار. آنجاق ان اؤنملی اؤزه للیک لری یوخاریدا سانایاراق سونوجدا یئتیرمه لی ییک : هر بیر میللی فعال یوخاریداکی اؤزه للیک لره ناییل اولا بیلسه قاورام صاحیبی اولوب و موباریزه نین دوغرو – دوزگون آشامالارین اینانجی ایله آشا بیله جک دیر. بو آشامالار دیره نمک لرله قاتغیلی هر تورلو هزینه لره رغما سونوجلانسادا میللی فعال وریندن چکیندیرجی لنمه یه جک دیر. و اوندادیر کی بیر میللی فعال صیرف موباریزه نی دوشونوب و شخصی ایله چته منافع لریندن توتدوسا شخصیت گرالیق و ... داورانمالاردان اوزاق دوراجاق دیر. آنجاق بیر لمپن شخص قطیعت له سونوجدا استوپ لارلا دایانمالی اولوب یؤنون دییشدیرمه لی اولاجاق دیر. نییه کی یوخاریداکی اؤزه للیک لره مالیک اولا بیلمه یه رک چیلیغیم قدر هزینه لره ده تابلاشا بیلمه یه جک دیر.

یازاز: ابراهیم نوری (ایتگین – قاراداغلی) 30/11/1395

Azerbaijan