آذوح: ایسوئچده “ایلکین نیت پروتوکولو”نون ایمزالانماسی مراسیمی باش توتوب.
ایسوئچین یؤتئبورق شهرینده آزربایجانین میللی ایستراتئژی دوشونجه مرکزی (مسدم) و ایسوئچین باتی یؤتالاند آذربایجان ائوی بیرلیگی (آئ بیرلیگی) قوروم‌لاری اؤز آرا‌لاریندا امکداش‌لیق یاراتماق، قارشی‌لیق‌لی بیلگیلندیرمه و اینفورماسیا آلیش-وئریشی یؤنونده ایش بیرلیگی اولوش‌دورماق، اویغون گؤروله‌جک مسئله‌لرده بیرگه تدبیرلر حیاتا کئچیرمک، درگی، ائلئکترون درگی و کیتاب چاپی ایله باغلی بیر-بیرلرینه یاردیم گؤسترمک مقصدیله موذاکیره‌لر آپارا‌راق قارشی‌لیق‌لی راضی‌لیق اساسیندا “ایلکین نیت پروتوکولو” حاضرلایا‌راق ایمضالاییب‌لار.
“ایلکین نیت پروتوکولو”ندا نظرده توتولور کی، طرف‌لر پارچالانمیش آذربایجان گئرچک‌لیک‌لرینی ایسوئچده و ایسوئچ گئرچک‌لیک‌لرینی آذربایجاندا تانیتماغا، آزربایجانین سیاسی، اقتصادی، مدنی، توپلومسال، ایستراتئژی، گئوسیاسی وب. سورون‌لارینی آراشدیرماغا یؤنه‌لیک بیرگه ایشلر گؤرسون. او سیرا‌دان درگی، ائلئکترون درگی و کیتاب چاپی ایله باغلی بیر-بیرلرینه یاردیم گؤسترسین‌لر.
“ایلکین نیت پروتوکولو”نو مسدم آدین‌دان مسدم صدری عیسی قمبر و آئ بیرلیگی آدین‌دان آئ بیرلیگی صدری ائلدار قاراداغ‌لی ایمضالاییب‌لار. “ایلکین نیت پروتوکولو”نون سون واریانتی مسدم مشورت هئیتی‌نین و آئ بیرلیگی ایداره هئیتی‌نین تصدیقین‌دن سونرا قوه‌یه مینه‌جک
