آذوح: تبریز مرکزی زیندانیندا آجلیق آکسیاسی کئچیرن تورک فال‌لار رسول رزوی و مورتازا مورادپور کرج شهری‌نین مرکزی پئنیتئنسیاریندا کؤچورولدوک‌دن سونرا دا آجلیق آکسیاسینا داوام ائتمکده‌دیرلر.
نویابرین 13-ده اوزون مدت‌دن سونرا قارداشی مورتازا مورادپور ایله کرجده گؤروشن فردین مورادپور آمئریکانین سسینه بو حاقدا معلومات وئریب. او، هر ایکی مهبوسون ساغ‌لیق دورومونون کریتیک اولدوغونو بیلدیریب.
فردین مورادپورون دئدیگینه گؤره، رسول رزوی و قارداشی نویابرین 4-ده کره‌جه کؤچورولوب.
اونلاری اؤزل بؤلمه‌ده ساخلاییرلار. شکر و دوز وئرمیرلر، ساده‌جه سو ایچه بیلیرلر. بو دوروم آجلیق آکسیاسی کئچیرن‌لر اوچون چوخ تهلوکه‌لی‌دیر. اونلارا دئییب‌لر کی، آجلیق آکسیاسینا سون وئرنه دک بورادا ساخلانیلاجاقسینیز.
“بیر نئچه گون گئت-گل‌دن سونرا بو گون منه و رسول رزوی‌نین قارداشینا گؤروشمه ایجازه‌سی وئردی‌لر. دوروم‌لاری آغیردیر. خصوصیله رسول رزوی‌نین دورومو هئچ یاخشی دئییل. ایندی او یئرییه بیلمیر،” دئیه او قئید ائدیب.
“اونلاری اؤزل بؤلمه‌ده ساخلاییرلار. شکر و دوز وئرمیرلر، ساده‌جه سو ایچه بیلیرلر. سویو دا آنجاق بیری قاپی‌نین یانین‌دان کئچدیگی زامان ایسته‌یه بیلیرلر. بو دوروم آجلیق آکسیاسی کئچیرن‌لر اوچون چوخ تهلوکه‌لی‌دیر. اونلارا دئییب‌لر کی، آجلیق آکسیاسینا سون وئرنه دک بورادا ساخلانیلا‌جاق‌لار“ -دئیه فردین مورادپور علاوه ائدیب،
رزوی و مورادپور مووافیق اولا‌راق 42 گون و 20 گون اؤنجه محکمه دوسیئ‌لری ایله باغلی تطبیق ائدیلن قانونسوزلوق‌لارا اعتراض اولا‌راق آجلیق آکسیاسینا باشلاییب.
مهبوس‌لارین عائله‌لری ایله برابر تورک فال‌لار و حقوق مودافیچی‌لری ده اونلارین ساغ‌لیق دورومونون جدی ریسک آلتیندا اولدوغونو اؤنه چکه‌رک، ناراحات‌لیق‌لارینی ایفاده ائدیرلر.
فردین مورادپور کئچن هفته آمئریکانین سسینه وئردیگی موصاحیبه‌ده قارداشی‌نین آجلیق آکسیاسی باشلاتماسی‌نین سببینی ده آچیقلامیشدی:
“مورتازا 3 ایل هبس مدتین‌دن 2 ایلینی کئچیریب. او، ایندی ایران جزا قانون‌لاری‌نین 34-جو مادده‌سی‌نین تطبیق ائدیلمدیگینه اعتراض اولا‌راق آجلیق آکسیاسی کئچیریر. بو مادده‌یه گؤره، قارداشیمین بیر ایل هبس مدتی آزالیب، 2 ایله دوشمه‌لی ایدی.”
آمریکاسسی
