آذوح: بو گون ۹۷/۰۲/۰۳ ده شهید مدنی آزربایجان بیلیم یوردوندا شئعیر و ادب اوجاغی "فرهنگ و اندیشه"اوجاغینین ایش بیرلیگی ایله دوزنله‌دیگی شئعیر آخشامی، اؤیرنجی‌لرین ایستی قارشیلیغی ایله باشلاییب و داوام ائتدی.
دئملی‌ییک شئعیر آخشامی ملا محمد فضولی‌نین محوریتی ایله اولاراق ائله فضولی‌نین شئعیر‌لری ایله باشلاندی .بو آرادا تورک اویرنجی‌لری چئشیدلی قونولاردا شئعیر اوخوماغا داوام ائتدی‌لر اورنک اولاراق:آنا دیل‌حاققیندا ،وطن حاققیندا(آذربایجانین اراضی‌سی اوزللیک‌له قارا باغ حاققیندا)هابئله سئوگی قونوسوندا شئعیرلر اوخوندو.
توره‌نین گوزل بولوم‌لریندن اوستاد شاهرخ نخعی‌نین اوره‌یه یاتیم سسی ایله اوستاد فضولی'دن تورکجه_فارسجا شئعیرلر اوخوماغی‌ایدی. اولونماسین. توره‌نین موسیقی بولومونده اینانیلماز گوزل ایفالارلا اویرنجی‌لر اوز به اوز اولدولار.
بیرینجی موسیقی بولومونده سایین پویا سلحشور باغلاما سازی‌نین چالقیلاری و گوزل سسی بوتون ایزله‌ییجی‌لری حیرت‌لندیردی.سونرا سایین آراز وجودی تار سازیندا ایفاسی ایله گئرچکدن آذربایجان تاریندا اولان گوزل‌لیگی سرگیله‌دی و ایزله‌ییجی‌لرین ایستی آلقیش‌لاری ایله قارشیلاندی.
سونرا شئعیر آخشامینین اوزل قوناغی شاعیر فرامرز وجودی فضولی حاققیندا دوشونجه‌لرینی ایفاده ائدیب و بورا دک فضولی حاققیندا آکادئمیک اولاراق آددیملارین گوتورولمه‌مه‌سیندن گیلئیله‌نه‌رک بو قونودا سوروملو اولان مسئول‌لارا جیددی آددیملارین آتیلماسینی وورغولادی و فضولی'دن نئچه شئعیر اوخویاراق دانیشیغین سونا چاتدیردی و پروقرامین سون بولومونده توره‌نین قوناق‌لاریندان هابئله اوجاغین چالیشقان اویه‌لریندن تقدیر اولوندو.
شهریار مدنیت اوجاغی(کانون شعر و ادب ،کانون فرهنگ و اندیشه)بو توره‌نین گوزل کئچیریلمه‌سینه یاردیم ائدن هر بیر کیمسه‌دن اوزللیک‌له بیلیم یوردونون معاونت فرهنگی هابئله مدیریت امور فرهنگی و فوق برنامه سوروملو‌لاریندان تشککور ائدره‌ک درین مینت‌دارلیغینی بیلدیریر.
@SMO_azuni
