تورپاق بیر ملتین اه ن اؤنملی وارلیغیدیر
تورپاق او قدر اؤز و مقدسدیر کی بابالاریمیز دئییب " تورپاقدان پای اولماز " هر بیر قاریجینین اوغروندا قان وئریلمیش آزربایجان تاریخی تورپاقلاری آتالاریمیزدان بیزه وئریلمیش بیر قوتسال امانت دیر و اونو قورویوب ساخلاماق هر بیر آزربایجانلی نین وظیفه سیدیر.
آزربایجان ، تاریخ بویو زامان – زامان بویوک دؤولت لر قورموش اولسا و بویوک اراضیلره حاکیم اولسادا واختیله ده باشقا امپریالار و دؤولتلرین حاکمیتی داخیلینده یئر توتموشدور، آنجاق تاریخ بویو اؤزونه مخصوص اولان آزربایجان تاریخی تورپاقلارین ایتیرمه میش و آزربایجان اراضی سی اولاراق ماهییتن قورویوب ساخلاییب .
بیر طرفدن قاجار و باشقا بیر طرفدن عثمانلی دؤولت لرینین مغلوبییتی و داغیلماسی تورکلویون گونشینین پارلاماسینا قارانلیق بولودلار کیمی چؤکوشو اولموشدور بوندان اه ن چوخ آزربایجان ائتگیله نمیشدیر ائله کی بو ایتگینین اوجوباتی گونوموزه قدر داوام ائتمکده دیر. بو ده نلی تورکلویون ازلی دوشمانلاری 100 ایلدن بری آزربایجان ملتینین دیل ، تاریخ ، تورپاق و مدنیتینی هدف آلاراق آمانسیزجاسینا هر فرصتده سالدیرمیش و الیندن گلنی آردینا قویمامیشدیر.
سیستماتیک اولاراق آزربایجان تورپاقلارین تجزیه و منیمسه مه سینی اؤزونه هدف گؤتوره ن ایرقچی حاکمیت و یانداشلاری ایلک آزربایجان و قاشقایی بیتیشیک تورپاقلارینی اله گئچیرمک و بیر بیریندن قوپارماغا باشلامیش و سونرا آیری – آیری بو ایکی تورک طایفانی سیخیشدیرماغا کئچمیشدیر. باتی آزربایجاندا داوام ائدن گؤچمن کورد یئرلشدیرمه و بؤلگه نین دئموقرافی سینی دیشدیرمه سیاستی بونون آیدین گؤستریجی سیدیر.
خزر ساحلینده قیزیل اوزه ن (سفید رود) تاریخ بویو آزربایجان سرحدی اولموشدور و آزربایجان ولایتی قیزیل اوزه ن چایی نین خزره قووشما نقطه سینده ن باشلار.
حیران گدییی اییه لییی و آستارانین یئنی ده ن اردبیل ولایتی بولگوسونه گئری قایتماسی اردبیل و آستارالیلارین اه ن دوغال و حاقلی طلب لریدیر و آزربایجان تورپاقلارینین تاریخی قورولوشونون برپاسی اوچون آتیلماسی گره کن بیر واجیب آددیمدیر.
بو اردبیل ، آستارا یا انزلی مسله سی اولدوغو کیمی ، عینی زاماندا بوتون آزربایجان مسله سی ساییلیر، بیر بوتون اولاراق ائل بیرلییی ایله پارچالاما سیاستینه قارشی ایستر باتی آزربایجاندا اولسون ایستر دوغو و یا هر بیر یئرده اولور اولسون چالیشیب وارلیغیمیزی قورومالییق .
جریان ائده ن چیرکین اویونلارین آرخاسیندا هانسی گؤج اولدوغو بلیدیر بونون اوچونده بیزیم گیلک ، کورد یا هر هانسی بیر جمعیت له بیر دردیمیز یوخدور و هر زامان اولدوغو کیمی ایلیشگیمیزین قارشیلیقلی حؤرمت و سایقی اساسیندا داوام ائتمه سینی ایسته ییریک آنجاق بونو هرکس بیلمه لیدیر کی آزربایجان تاریخی تورپاقلارینین بیرلشدیریلمه سی آزربایجان ملتینین اه ن واجب و دانیلماز حاقیدیر بو دارتیشیلماز و معامله اولونمازدیر.
آزربایجان ملی حرکتی آغساقاللار توپلومو
تبریز 1397/01/21
