بیلدیری ؛

.....................................

عزیز و ده یرلی دوستلاریمیز،

آلمان –برلین شهرینده آزربایجان کولتور و ادبیات درنه یی ( ایشیق یول) انجمنی اکتبر آیینین بیریندن آچیلاجاقدیر ، بوتون فعال و اؤز وارلیغیمیزین اوغروندا چالیشماق ایسته ین و فایدالانماق ایسته ین باجی قارداشلاریمیزین و اوشاقلاریمیزین قوللوغوندا اولاجاقدیر ،

انجمنین هدف لری و چابالاری بونلاردان عبارت دیر ،

1-درنک دن و اونون ایمکانلاریندان فایدالاناراق کولتور دیل و تاریخیمیز ایچین تحقیق و آراشدیرما مرکزی کیمی قوللانیلاجاقدیر ،بو ایشین سوروملوسو ، تحقیقاتچی و یازار استاد بیگ موراد گرای (سومریان نیاکان ترکان ) کیتابینین یازاری اولاجاقدیر.

2- آلمانیادا یاییلان درگی لرده گونئی آذربایجانی و ایران جغرافیا سیندا کی باشقا تورک لری و اونلارین اؤزللیکلری تانیتدیرالاجاقدیر ،و اونون یانیندا دا هر اوچ آیدان بیر درگی یایینلاناجاقدیر .

3- هر 15 گوندن بیر شعر و نثر جلسه لری تشکیل وئریله جکدیر .

4 – تار و رقص کیلاسلاری هر هفته نین جمعه آخشاملاری.

- هر آیدا بیر گون ساده جه خانیملارین بیر یئره توپلانماسی و چئشیدلی قونولاردا تارتیشمالاری (عاییله مناسبت لری ، اوشاق تربیه سی و ...) و بیر بیرینین تجربه لریندن فایدالانماق ایمکانی ساغلاناجاقدیر.

6- اوشاقلار ایچین و اونلارین یئته نک لرینی قوللاناراق چئشیدلی پلانلار و پروگرام لار حاظیرلاناجاق دیر.

( تئاتر ، آنا دیلی درس لری ، و باشقا دوروما اویقون ائیتیم کیلاسلاری ،گزی و ائیلنجه پروقراملاری) قورولاجاقدیر .

7- آلمانیایا گلیب و یاردیما احتیاجی اولان سیغینماجی لارین اولدوقجا سورونلارینی حل ائتمک و اونلارا توپلوما قاتیلمالارینی ساغلاماق آماجیلا فعالیت لر گؤسته ریله جکدیر .

8 – حاضیرلادیغیمیز ایللیک پلانی و تاریخیمیزده باش وئرن اؤزل گونلرین عزیزله مه سی و جانلاندیریلماسی ایچین اولدوقجا مراسم لر قویولوب و سونوجلار یاییلاجاقدیر .

آنجاق بونا ایناناراق کی بو یول بیزیم یولوموزدور و بیز یولوموزو باشقالارینا بوراخمامالییق ، بو درنه یی و اونون اساسیندا وارلیغیمیزی قوروماق و گلیشدیرمک ایچین آددیملار آتماغا باشلادیق ،

وارلیغینی سئون واونا اینانان هر سوی داشیمیزی امکداشلیغا و بیزه قاتیلماغا چاغیریریق ،

بیزیم ایچین وارلیغینی و توپراغینی سئون هر بیر تورک هر دوشونجه ده ، حزب ده و یا موقعیت ده دین ده و اینانجدا بیر و برابردیر .

، بوتون ایسته ییمیز بیرلییمیز اوغروندا باشاری لی اولماغیمیز دیر و بویوک بیر ملت اولدوغوموزو و بویوک تاریخه ، کولتوره ، وارلیغا صاحیب اولدوغوموزو دونیایا و اؤزوموزه اثبات لاماقدیر .

سایقی لاریمیزلا ، اداری هئیت عضولری

درنه یین یئری : زولدینر اشتراسه 41 (Soldinerstr. 41)

کد پستی : 13359 Berlin

ایمیل : این آدرس ایمیل توسط spambots حفاظت می شود. برای دیدن شما نیاز به جاوا اسکریپت دارید