شوکور بَی قهرمانی بیر معلم دیر.
بیر زحمت چکن و فداکار معلم دیر.
شوکور بی قهرمانی بیر آذربایجان تورک میلتچی سی دیر.
معلمی ووران اللر قوروسون!
شوکور بی ین بو شکیلی نی گؤردوم چوخ اوزولدوم!
عار اولسون بئله وحشی آداملارا کی، منطقلری آنجاق دَگنک دی، داش دی، چوماق دی.
بیر معلمه بئله یاناشمانین، بئله توخونوب ساتاشمانین آنلامی نه دیر؟
آزادلیق وعدالت سئوه ر انسانلارین امنیتی نی کیم قورویور؟
کیم تضمین ائدیر؟
بو وحشی و ساتقین چوماقچیلار کیمن سؤزو ایله بئله بیر جنایت ایشله ییرلر؟
بو وحشی و ساتقین چوماقچیلارین آرخاسی کیمه سؤیکنیبدیر ؟ کی، جرئت ائدیرلر گونوز-گون اورتاچاغی بیر زحمت چکن ملتچی معلمه هجوم ائدیب و سونرا دا دیک – دیک شهر ده گزیرلر!؟
دئییلنلره گؤره چوماقچیلار بو دلیله گؤره شوکر بی قهرمانی یه هجوم ائدیبلر کی، او بعضی چاتیشمامازلیلارا آشکارا تنقد ائتمیشدیر.
