اوستاد حسن بی دمیرچی ائلیمیزین قوجامان موسیقی چی سی و هابئله آذربایجانین مدنی حرکتینین تانین میش چالیشقانی چوخ یئریسیز زامان دنیا یاشایشینا سون قویدو وابدی ائوینه کوچدو . البته اولمک بیر کرچکدیر کی کیمسه نین یاشاییشین دا گیزلنیب و اونلان قاچماق مومکون دئییل و گئج یوخسا تِز هر بیر کس بو تورپاخ دنیاسین لان کوچملیدیر .
آنجاق او انسان لار کی یوللارین دوز سئچیب و شرف و صداقتیله بو بزک لی دنیایا یانیشیببلار جیسم لری آرادان گئدسه ده یاشاییشلاری خالقین اورگین ده دوام ائدیب و آدلاری تاریخ بویو یاشاییب .
استاد حسن بی بو آنلامی یاشاییش و اولومون ده داها معنا ائدیب وآذربایجان سئودا سین هر بیر زامان اورگین ده یاشادماقی لان اوزوده آذربایجان میللتینین اورگین ده یاشادی ، بئله کی بوتون میللی فعال لارین آراسین دا چئشیدلی فیکرلرینه باخمیاراق بویوک حرمت و سایقی قازان دی .
دِئمک اولار آذربایجان لقبی کی اونون صداقت و تام عشیقیله آذربایجانین تورپاخ و مدنیت و کولتور و اِئلینه دوغرو چالیشماق لاری اوزرین ده خالق طرفین لن آلمیش دیر، بیر بویوک فخر ساییلیر و اُو لقبین آرتیق دَیری بودورکی میللت اونا اوزون زامانلاردان اونجه باغیشلامیش دیر
استاد حسن بی ، آذربایجانا اولدوغو سئوگینی هئچ بیر زامان چیرکین سیّاس لیق لارا کی تاسف له بیر سیرا آذربایجانین ملی و مدنی حرکتلرینه سوخولموش آداملار اونا بَلَنمیشدیلر ، بَله مه دیر و هر بیر یاناشمالارین دا آذربایجانین قوللانماسین آختاردی و بیر آذربایجان فدایی سی سایا دا یاشادی و اولومویلنده آذربایجان آدین سسلندیردی .
دئمک لازیم دئییل کی رحمت لیک حسن دمیرچی بی یین میللت دن آلدیقی سایقی کی اولوم تورنین ده گوستریل دی ، اونون سازین لان ، ساوادیلان ، مالین لان یوخ ، آنجاق اورگین ده یاشایان آذربایجان سئوگیسی و او اوزرده داورانیش لارین لان و بو یولدا چکدیگی سیخینتیلاردان آسیلیدیر ، نجه کی چوخلی اونلان ساوادلی ، سازلی ، وارلی لاری ِ بِئلنچی فخری دن تام اوزاق و حسرت ده دیلر .
آذربایجان تاریخ بویو کیمسیه کی اونو دوز دوشونوب و اونا شرفیلیه یاناشیب ، قالارقی شان و شرف وئریب و گوردویوموز کیمی چوخلی آدلاری ایتگین آداملار آذربایجانا آددیم آتاماقی لان میللی هویت و حرمت تاپیب لار .
نه ایسه حسن دمیرچی بی یین دنیا دان کوجمَگی آذربایجانین مدنی گئدیشاتین دا بیرآع ساقال کیمی بویوک ایتگینلیک و یئری چوخ بوش دیر .
آدی قالارقی ؛ یولو گئدرلی اولسون .
